Amavesi eBhayibheli adumile avela kokuthi YAKOBO 3

Dlulisela

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

I mani la nga ni ku tlhariha ni ku tiva exikarhi ka n'wina xana? A a kombise mitirho ya yena hi mikhuva yo saseka leyi nga ni vutlhari lebyinene.

Kutani mihandzu ya ku lulama yi byariwa eku rhuleni, eka lava endlaka mitirho ya ku rhula.

Hikuva laha ku chivirika loko biha ni ku tengisana ku nga kona, na kona, ku va ni madzolonga, ni timhaka hinkwato leta tingana.

Ha rona hi khensa Xikwembu Tatana, ha rona kambe, hi rhukana vanhu, lava endliweke hi xifaniso xa Xikwembu. Enon'wini wu ri wun'we, ku huma ku khensa ni ku rhukana. A swi faneli, vamakwerhu, leswaku timhaka ti va tano.

Ririmi, na rona, i ndzilo, i tiko ra ku homboloka; ririmi ri vekiwile eswirhweni swa hina ri nyamisa miri hinkwawo, ri va ri tshivelela ndlela hinkwayo ya ku hanya ka munhu; kutani na rona ri kondleteriwile hi ndzilo wa tihele.

kambe loko ri ri ririmi, a ku na munhu la ri kotaka; i ku biha loku nga hluriwiki, ri tele vuxungu lebyi dlayaka.

Vamakwerhu, mi nga tshuki mi va vadyondzisi lavanyingi, mi ri karhi mi tiva leswaku hi ta kuma ku avanyisiwa loku tlurisaka