Amavesi eBhayibheli adumile avela kokuthi VAHEVERU 11

Dlulisela

Kambe ku pfumela i xitshembiso xa xiviri xa swilo leswi languteriwaka ni xikombiso lexi khorwisaka xa leswi nga voniwiki. Hikuva hakona, va khale va kumile vumbhoni lebyinene.

Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

Hi ku pfumela, ha swi tiva leswaku misava ni hinkwaswo swi lunghisiwile hi rito ra Xikwembu, hileswaku leswi voniwaka a swi humanga eka leswi vonekaka.

Hi ku pfumela, Abrahama, siku a vitaniweke, a yingisa, a rhurhela etikweni leri a nga ta ri nyikiwa hi mukhuva wa ndzhaka; kambe a rhurha a nga tivi laha a yaka kona. Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Hi ku pfumela, Enoko u tekeriwile ehenhla leswaku a nga ti vona rifu, kutani a nga ha kumiwanga hikuva Xikwembu a xi n'wi tekile; kambe loko a nga si tekiwa, u vuriwile leswaku a a tsakisile Xikwembu.

Hi ku pfumela, Avele u humesele Xikwembu magandzelo lama tlulaka ya Kayini, kutani hakona u kumile vumbhoni leswaku u lulamile, Xikwembu xi ri karhi xi vula vumbhoni bya magandzelo ya yena; kambe hakona wa ha vulavula, hambi a file.

Hi ku pfumela, na yena, Sara u nyikiwile matimba ya ku veka mbewu, hambi a khalutele hi nkarhi, hikuva a a ringanisile leswaku la n'wi tshembiseke wa tshembeka.

Hikuva a a langutele muti lowu nga ni masungulo, lowu Xikwembu xi nga muaki ni musunguri wa wona.

Hi ku pfumela, Muxe loko a kurile, u arile ku vuriwa n'wana wa n'wana wa Faro lowa wanhwana, a va a tihlawulela ku xaniseka swin'we ni tiko ra Xikwembu, ku nga ri ku tsakela vudyoho nkarhinyana; a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo. Hi ku pfumela, u sukile eEgipta, a nga chavi ku kariha ka hosi; hikuva a a tiyile kukotisa loko ngi a vona loyi a nga voniwiki.

Hi ku pfumela, Abrahama, siku a ringiwaka a humesa Isaka egandzelweni, kutani loyi a nga nyikiwa ku tshembisiwa, a nyiketa la nga tswariwa eka yena a ri swakwe

Hi ku pfumela, Rahava, wa muoswi, a nga lovanga ni lava nga pfumelangiki hikuva u amukerile vakamberi hi ku tsaka.

Hi ku pfumela, va perile Lwandle ro Tshwuka kukotisa loko ku ri esaveni, kutani Vaegipta va ringeta ku endlisa sweswo, va nwela ematini.

Hi ku pfumela rirhangu ra Yeriko ri wile loko ri rhendzelekiwile hi masiku ya ntlhanu na mambirhi.

Hi ku pfumela, u endlile Paseka ni ku xuva ka ngati, leswaku muherisi wa mativula a nga khumbi ya Vaisraele.

Hi ku pfumela, Yosefa, siku a faka, a vula ku suka ka vana va Israele, kutani a va lerisa hi ta marhambu ya yena.

Hi ku pfumela, Yakobo, siku a faka, a katekisa vana va Yosefa, un'wana ni un'wana, kutani a khongela a tiseketele hi nhonga ya yena.

Hi ku pfumela, Isaka a katekisa Yakobo na Esawu, a anakanyile leswi nga ta ta.