Amavesi eBhayibheli adumile avela kokuthi EKSODA 16

Dlulisela

Vana va Israele va ku: “Nge hi dlayiwe hi voko ra Yehovha etikweni ra Egipta, hi ri karhi hi titshamele xikarhi ka timbita ta nyama, hi dya ni vuswa, hi xurha. Hikuva mi hi humesile hi fika la mananga leswaku mi dlaya tiko leri hinkwaro hi ndlala.” Kutani Yehovha a ku eka Muxe: “Waswivo, ndzi ta mi nisela vuswa lebyi humaka etilweni, tiko ri ta huma ri tihlengeletela leswi ringanaka siku rin'wana ni rin'wana, leswaku ndzi va ringa loko va ta famba hi nawu wa mina, kumbe loko swi nga ri tano.

Kutani nhlengeletano hinkwayo ya vana va Israele yi karihela Muxe na Aroni emananga.

Muxe a engeta a ku: “Kunene Yehovha u ta mi nyika nyama nimadyambu mi dya, nimixo a mi nyika vuswa mi xurha, hikuva u yingisile ku dzumadzuma ka n'wina, hilaha mi n'wi kariheleke hakona. Hikuva hina ho va swini-ke? A mi karihelanga hina, mi karihele Yehovha.”

“Ndzi yingisile ku dzumadzuma ka vana va Israele; u va byela, u ku: ‘Nimadyambu mi ta dya nyama, nimixo mi ta xurha vuswa; mi ta tiva leswaku hi mina Yehovha, Xikwembu xa n'wina.’ ”