Amavesi eBhayibheli adumile avela kokuthi Bula lə Israɛlje 16

Dlulisela

Ɓó lé Njesigənea̰ ra né gə́ sigi gə́ dəw oo kédé el ləm, lé dɔ naŋg teḛ təa mba turu dee gə néje lə deḛ lai mba kar dee d’aw kəmba mee bwa-yoo’g ləm tɔ ndá seḭ a gərje gao to gə́ dəwje neelé d’ə̰ji Njesigənea̰ bəḭ-bəḭ ya. Loo gə́ yeḛ pata neelé ila naŋg ɗəgərə ndá léegəneeya dɔ naŋg ta̰ gel dee’g ɓəgəgə. Dɔ naŋg teḛ təa ndá turu dee, deḛ gə njémeekəije lə dee na̰’d gə dəwje lə Koré lai ləm, gə némajije lə deḛ lai ləm tɔ.

Koré, ŋgolə Jisəar, gə́ to ŋgolə Keat, gə́ to ŋgolə Ləbi, deḛ gə Datan gə Abiram, ŋgalə Eliab ləm, gə Ɔn, ŋgolə Pelet, deḛ munda gə́ to Rubḛje lé ti rɔ dee dɔ Moyis’g. Dəwje tɔl-joo gə dɔ dee rɔ-mi (250) mbuna Israɛlje’g, deḛ gə́ to mbaije lə koso-dəwje lé ləm, gə́ deḛ ɓar dee na̰’d loo mbo̰ dɔ na̰’d ləma, gə́ ri dee ɓar ləm tɔ lé d’ɔm sə dee na̰’d d’oma̰ gə Moyis.