Amavesi eBhayibheli adumile avela kokuthi Matiyo 24

Dlulisela

Néra dəwje gə́ kori-kori a kḭ dɔ maree’g gə́ kédé-kédé ndá yee ɓa a kar goo meenoji lə dəwje kul ne ɗəŋ-ɗeŋ. Nɛ yeḛ gə́ ai mée sam-sam teḛ ne ndɔ gə́ rudu’g lé ndá yeḛ a kaji ne ya.

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Seḭ a kooje ta rɔ na̰ lə dəwje ləm, seḭ a kooje sor rɔ gə́ d’a gə rɔ na̰ ləm tɔ ndá meḛ sí to dɔ rɔ sí’g mba kar meḛ sí pélé wəs-wəs dɔ ta’g neelé el mbata lé riri kara néje gə́ togə́bè lé a teḛ ya. Nɛ a to ndɔ gə́ rudu lé el nja dɔrɔ ɓəi.

Ginkoji dəwje gə raŋg d’a kḭ gə na̰ ləm, njéɓeeko̰je kara d’a kḭ gə na̰ ləm tɔ. Loo gə́ na̰je bula ɓoo-boo a koso dɔ dəwje’g ləm, naŋg kara a yə ləm tɔ. Néje lai neelé yee ɓa a to némeekonje gə́ doŋgɔr ɓəi.

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

Mbata dəwje bula d’a ree gə rim, d’a pana: Neḛ n’toje gə́ Kristi. Ndá d’a su ne kəm dəwje bula ya.

Yen ŋga d’a kwa sí kula kəm sí ndòo ləm, d’a kar sí uduje ne ləma, ginkoji dəwje gə raŋg lai d’a kḛji sí bəḭ-bəḭ gə mba rim-ma lé ləm tɔ. Yen ŋga mee ndəa’g neelé dəwje bula d’a tel gogo ndá d’a kun dɔ na̰ ləm, d’a kḛji na̰ bəḭ-bəḭ ləm tɔ. Njétegginta gə́ ŋgɔmje d’a kuba naŋg kḭ su kəm dəwje bula.

Jeju ila dee keneŋ pana: Meḛ sí dɔ rɔ sí’g mba kar dəw kára kara su kəm sí el.

Togə́bè ɓa seḭje kara waje dɔ gɔl rɔ sí kir-kir tɔ mbata Ŋgon-dəw lé a ree dɔ kàr gə́ seḭ ə̰jije lé el.

Maji kar sí sije kəmba mbata seḭ gərje ndɔ ree lə Mbaidɔmbaije lə sí el.

Ndɔ teḛ lə néje neelé dəw kára kara gər ndəa əsé kàree el. Kuraje gə́ dara lé gər el ləm, Ŋgon-dəw kara gər el ləm tɔ nɛ Bɔbeeje nja gə karee ba ɓa gər.

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Ndɔ ree lə Ŋgon-dəw lé a to asəna gə ndəa ka̰ Noe gə́ né teḛ ne dɔ dəwje’g lé tɔ. Mbata mee ndəaje gə́ kédé ɓa mán bélm taa ne loo ɓəi lé dəwje d’usɔ gə d’ai ləm, diŋgamje gə denéje taa na̰ ləma, ŋgan deeje kara taa na̰ ləm tɔ saar Noe ḭ ne kág uru ne mee bato’g, ar dəwje d’isi ne dɔ mbə’g jugum saar ar mán bélm ḭ unda dee ne naŋg rə̰dəŋ-rə̰dəŋ taa dee ne loo yal-yal lé tɔ. Pia gə́ ka̰ Ŋgon-dəw gə́ a gə ree lé nja to kən.