Amavesi eBhayibheli adumile avela kokuthi Teḛ-Raga 10

Dlulisela

Njesigənea̰ ula Moyis pana: Maji kari aw rɔ Parao̰’g mbata m’ar mée-yeḛ gə meḛ kuraje ləa kara ndər mba kar nétɔjije ləm nduba ne rɔ dee mbuna dee’g gə́ raga. A to togə́bè mba kari ndaji taree ar ŋgoni gə́ diŋgam ləm, gə ŋgon mee ŋgoni gə́ diŋgam ləm tɔ, mba kar dee d’oo ne né gə́ ma m’ra gə njé gə́ Ejiptə ləm, gə nétɔjije gə́ ma m’ar dee nduba ne rɔ dee mbuna dee’g ləm tɔ. Bèe ɓa seḭ a gərje ne to gə́ ma m’to Njesigənea̰ ya.

Njesigənea̰ ula Moyis pana: Ula jii par gə́ dara, tɔɓəi maji kar loondul gə́ ndul njudu-njudu dəb dɔ ɓee gə́ Ejiptə’g, loondul neelé dəw a kaskəm kɔrɔ gə jia ya. Moyis ula jia par gə́ dara, ndá loo ndul njudu-njudu dɔ ɓee gə́ Ejiptə’g as ndɔ munda. Deḛ d’oo rɔ na̰ el ləm, dəw ḭ loo-siée’g aw raŋg el ləm tɔ, as ndɔ munda. Nɛ looje lai gə́ Israɛlje d’isi keneŋ lé loo àr keneŋ ya.

Moyis ula kag-tɔs ləa ndiŋ dɔ ɓee gə́ Ejiptə’g, mee ndəa’g neelé Njesigənea̰ ar lel ḭ bər ula dɔ ɓee gə́ Ejiptə’g dan kàrá gə loondul’g tɔ. Loo gə́ loo àr ndá lel gə́ ḭ bər lé ree gə beedéje. Beedéje lé teḛ mee ɓee gə́ Ejiptə’g tɔɓəi d’wa naŋg gə looje lai-lai mee ɓee gə́ Ejiptə’g lé tɔ, deḛ bula digi-digi dum dɔ loo tɔ, to né gə́ dəw oo togə́bè kédé el ləm, a koo garee gə́ togə́bè gogo el ləm tɔ.