Amavesi eBhayibheli adumile avela kokuthi Njé gə́ Epesə 6

Dlulisela

Mbata darɔ dəw əsé məsee ɓa jeḛ j’oma̰ səa el, nɛ dəw-dɔ-looje ləm, gə njéko̰ɓeeje ləm, gə mbai dɔ naŋg gə́ ka̰ loondul’gje ləma, gə ndilje gə́ majel gə́ d’aw pən dara’g ləm tɔ lé deḛ ɓa jeḛ j’oma̰ sə dee ya.

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.

Odoje nérɔje lə Ala bura ɔmje rɔ sí’g gə mba koma̰ ne gə njekurai dum ne négosɔje ləa.

Gelee gə́ nee ɓa, odoje nérɔje lə Ala bura, ɔmje rɔ sí’g mba kaar ne njaŋg ndɔ gə́ lookàr gə́ majel a kàr dɔ sí’g ləm, loo gə́ seḭ dumje dɔ majelje lai mba̰ ndá a kaarje ne dɔ gɔl sí’g njaŋg ya ləm tɔ.

Odoje dərje lə sí ta-ta ɔnje ne rɔ sí bura, yee ɓa gə́ meekun lə sí gə́ seḭ a kasjekəm kunda ne ndo̰ niŋga pərje lə njekurai ɓad tɔlje ne pəree. Tulaje dɔgugu-kaji dɔ sí’g ləm, gə odoje niŋga lə Ndil gə́ to ta gə́ ḭ ta Ala’g lé ləm tɔ.

Bèe ndá aarje dɔ gɔl sí’g njaŋg, waje ta meḛ sí gə ndar, yee ɓa gə́ kankəmta gə́ wa meḛ sí. Ulaje kubu-rɔ gə́ ŋgira kiŋ-kiŋ lé kaar sí’g, yee ɓa wɔji dɔ meekarabasur lé. Ulaje markob-rɔ gɔl sí’g, yee ɓa gə́ Tagə́maji gə́ seḭ a njaaje ne gə rɔkwɔilɔ lə sí gə mba kɔm ne dəwje na̰’d gə Ala lé.

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

Təd kag bɔbije gə kɔinje. Yee ɓa to godndu gə́ dɔtar gə́ yeḛ un ndia dɔ’g mba kar dee d’iŋga ne né pana: Yen ɓa dɔ naŋg nee gə́ seḭ sije keneŋ lé kur sí a kəw keneŋ waga ləm, rɔ sí a lel sí ne yaa̰ ləm tɔ.

Ŋganje, ilaje ŋgonkoji dɔ njékoji síje’g gə goo rəw gə́ Mbaidɔmbaije ɓa wɔji mbata yee ɓa to né gə́ to gə goo rəbee.