Amavesi eBhayibheli adumile avela kokuthi मती 28

Dlulisela

तणी तमो जो, हेता मनका सेला बणावो नी वणय बाप, सुरा नी पवितर आतमा ने नाम हू बपतिसमा आलो, वणय हेती वाती जी मय हुकम आलजो हे, मानवू हिकाड़ो। जुओ, दनिया ने अन्त तक मुँ हर वळा तमारे हाते हूँ।”

ईसुई वणअ कनी जाईनी केजू, “हरग नी तरती ने हेतो अदिकार मय आलजो हे।

हरगदुते बयीरजअ हू केजू, “बियो नकी, केमके मुँ जाणू हूँ के, तमो ईसुई जी करूस माते सडावजो तो हुजो हो। वी निय नीं हे, पण आपड़े वसन ने वजूने जीवतो थाई गियो हे। आवो वे जगा जुओ, जिय विने मड़दू मेलजू तु।

तणी वला ईसुई वणजअ हू केजू, “बियो नकी। मारे विसवासी पाई बेने जाईनी को के, गलील जाता रय वा विय मय जुहीं।”

तणी वला यहुदि मोरकिया ने हाते वगळा थाजा नी विसार करीनी सोकिदारे कईक रूपू आलीनी केजू, यू केवान के, “जणी वला अमअ राते हुई रेजा ता, ते विने सेला राते आजा नी विने मड़दू सुरी करीनी लई गिया। नी अगर ये वात राजपाल ने कान लगण जाहीं, ते अमअ वणाय हमजावी दिहअ नी तमय खतरे हू वसावी दिहअ।” नी वणय धन लईनी जेम हिकाड़जा ता इमुस किदू नी ये वात आज लगण यहुदि मनका मा साले हे।