Amavesi eBhayibheli adumile avela kokuthi Moti 3

Dlulisela

Touwá lói mil há de héndilla gulagala ókkol dóro

Aar héñtte asman ottu éggwa abas aiccé, eén hoór de, “Ibá Añr adorja Fua, Ibá re lói Añí bicí kúci.”

Isá bápṭisma loi mottor, faní ttu kul ot uiṭṭégai. Hétunot asman kúligiyoi, aar Íba ye dekér de, Allar Ruh hoitor or ḍóilla ói lami aái Íbar uore boiyér.

Añí de tuáñra touwá goijjó de hétolla éna tuáñra re fanít bápṭisma díh; montor añí baade zibá aiyér, Íbar tokka añr túaro ḍoóñr. Añí Íbar cenṭár boi bolla úddwa laayek no. Íba ye tuáñra re Pak-Ruh edde ooin loi bápṭisma díbo.

Aar ehón toh gas or gurat kuróil raká gíyeh. Hétolla, ze gas ot gom gula no dóre, yíba re haṛi ooin ot félaidiya zaybo.

Yóggwa óilde ubá zibár baabute nobi Yesáyah ye hoóil de, “Moidan zagat ezzone guzori-guzori eén hoór, ‘Mabud or foñt toiyar goró; Íbar rasta uzu goró.’ ”