Amavesi eBhayibheli adumile avela kokuthi مَتّی 24

Dlulisela

اَنَه شَرارَت وِر بَبی کن، خَیلیِون موحبَت آرَسِریست. اَمّا هَرکم تا آخیر آمبَست بومونِه، نیجات بَگَتی.

و خدا پادیشاهی خَشَه خَبَر، دِنیا گِرد آدَمونرا اییلام بَبی تا شهادتی گردِ قامونرا ببو. چَی به دوملَه دِنیا بَه آخیر آرَرَست.

شِمَه جَنگون خونِه دَنّرَست و جَنگون خَبَر شمَه گوش آرَرَست. ولی تَفشیش دَمَگِنَه، اِمی خونه کن اِنتَرَ ایتفاقِن پی دَگنِن، ولی هَنوزَنی دِنیا بَه آخیر آرَستَه نیَه.

هِنتَرَکِه قامی دییَره قامی سَر و حکومتی دییَرَ حِکومتی سَردِرِ راست آنَّب. و قحطی و بومه لَرزَ مُختَلیفَه جگا اونکا بومَیَه. ولی اِمِن گِرد زَندِ داجی شِرو اَ کن داجون فاصیلَه هَی کَم و کمتر آرَبن.

آستامون و زمین نیفیت آنَّب، ولی چمن گَفِن هرگز نیفیت آنینَّب.

اِمی خونه کن، خَیلیِن چمن نومینَه بومَنَه وباتینَه، اَز وَعدَ آدوعَه مسیح هِستیم،“ و خَیلیِون گمراه بَکَنَه.

«اَ زَمونَکا شمَه غنیمی تَسلیم بَکَنَه و بَشمَه شکنجَه بَکَن و شمَه بَکِشتینَه. گرد قامِن چمن نومی خونِه شِمَکا نیفرَت بَداشتین. اَ روجونکا خَیلیِن اِشتَن ایمانیکا آگردِن، یَندِ خَیانت بَکَنَه و یَنده کا نیفرَت بَداشتینَه. وِرَ دِروعَه پَیغَمبرونی راست آنَّب و خَیلیِون گمرا بَکَنَه.

عیسی جواب داشه: «حواسِرون ببو تا کَسی بَشِمَه گمراه نِکَرِ.

پس شمَه نی پی آمادَ ببَ اِمی خونه کن اینسانی زوعَه، ساعتیکا بومَیه کن اینتظارِرون نی.

پس بیدار ببَ، اِمی خونه کن نینَزنی شمَه سرورِ چه روجیکا بومَیَه.

«غَیراَز آستامونیَه دَدَ هیچ‌کَم اَ روج و ساعَتی نییَموست؛ حتی آستامونیَه فرشتَه اِن و زوعَه نی اَیکا خَبر نِدارِن.

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

اینسانی زوعَه ظهور کَردِ زَمونَکا، هِنتَه نوح روزگاری شیوار بَبیَه. توفانی آمِه بَه نَ، تا قبل اِمکن نوح کَشتی دِلَه دَرا، مردوم هَرینَه و هِنجینَه، ژِن اَگِرینَه و شو اَشینَه. و نَزنینَه چه چَوون نَ کارَ. تا اِمکن توفان آمَه و گردی اِشتنَّ بَردشَه. اینسانی زوعَه اَیر آبِه نی هِنتَرَکه بَبیَه.