Amavesi eBhayibheli adumile avela kokuthi Ya-Sfadoci Mafiyo 24

Dlulisela

Chena xvga wvnrta-fewa wa sqeiv, ini ut vhqa-ladewa-nwv maci wa tigi-negi-nili. Pvyaqv inv nvhekv ini yaqi wesigi-fitv, henv inv wah wrpvnas-hofu.

Chena yomv uwasi-biadrcimowa ini ugimrwi-drmqa uci wah nvnvhimi-wapi ini malsga ya-lakuqvh-kvmigigi wvhsi u dabwawani-wrci nihki jrivhki dfwa-lanv si lanvwaki; chena ina uwa wah biaiv ini jaiahqewa.

Chena gelvwv gah nodr-gapwv nochade-wanv macimi ya-lrtudo-daki nochadewanv; gcitvwr-piku wvhsi bur gelvwv patfvgifi-yaqa : xvga yolumv wiahi qelvhi brbiaci wah biami-kvtu; pvyaqv ini jaiahqewa mvtv gawvgi.

Xvga nakudwa-lanv si lanvwa wah pvfaqic-fvtv-wrli nakudwa-lanv si lanvwali, macimi ugimrwewa u ppahtanv ugimrwewa; chena ’n’tvsi wa vdawv sas-qrlvwawa-niki, macimi vsisgi-nomasgrwanv cvjapi tvsi. Pvyaqv yolumv wiahi nileni waci vlamvh-kvmigigi vhqi-lrsvmvmowa.

Manqvtwi macimi vsisgi wa hvsanu, wakv ni kvlvwewanv mvtv wa hvsanu.

Xvga maci wah biaki ni wefowa-nagi, neiv inv Klvisde, wa hiwvki; macimi maci wah bemi-walr-wvhi.

Hina uwa gesanrci-nvmowa-nagi gah si pvgfa-naku-wrki nihki, macimi gah nfaku-wrki : chena gah segalama-kufe-maku-wrki nihki jrivhki dfwa-lanv si lanvwaki xvga ni wefowa uci. Macimi ina uwa maci wa hutvgi-kvhsi-noki, chena pasiqi wah mas-druha-deki, macimi wah segala-deki. Chena maci myrsi mrmosi-gesqacki wah pvfaqeki, macimi wah bemi-walr-wvhi maci.

Chena rpvfsa Jesise macimi, Gcitvwr-feku wvhsi bur ilani bemi-walal-wrqa.

Waciganvhi nahfrpi gelvwv mahci-ilafiku; xvga buryr si taha-yaqa yrtafvgi inv u Qihfvli ilani biawv.

Gcitvwr-piku waciganvhi : xvga mvtv ki wrkudr-nrwv si grsagigi tvh birci Dabalamal-wrqa.

Pvyaqv ina si gr-sagigi macimi yrtafvgi, mvtv wiyafv u wrkutv, mvtv weginrqi nihki ancvleki wafapvh-kvmigigi uci, mvtv-nuhgi inv Uqihfimv, inv wakv Ufimv pahi.

Xvga ’n’tvsi wah pvfaqeki myrsi Klvisdeki, chena myrsi mrmosigesqacki, macimi wah wrpvtasi-waki mvgi giginolowanv macimi qa-qahdr-niki; wvhsi bemi wasiwa-wrci, kvtvwi-iga, weginrqi nili ma-mo-fulici.

Chena brsi nili u gesakv-namv Nuwv yaki, yone wa higi ini u birwa inv u Qihfvli ilani. Xvga brsi ina nala gr-sagiki yaki wihsi bur ini vdagi lakhuqewa nihki pami wihfa-neki macimi pami manoki, pami wechadeki macimi wechadewa-nagi si pami me-latipi, brlu’ hini grsagigi wvhtv hini msi-ulvga-lagi lkvgi Nuwv, Chena nihki mvtv u wrkudr-nrwv brlu’ hini lakhuqewa biaiv, macimi ud rmwalaku-nrwv nihki jrivhki; yone wa higi ini u birwa inv u Qihfvli ilani.