Amavesi eBhayibheli adumile avela kokuthi Saŋ 13

Dlulisela

Abocin ayéjeeniŋ: - Inini, janteneŋ baŋ k'iwonnundoonuŋ luwaŋ awunkul: Luwaŋo awunkulo nómár, nómár agune kuku upokunayeŋ maŋ ni me ipokunoonuŋne. Yéjiri upokunayeŋ bareŋ. Iyéji, maŋ ni me ipokunoonuŋne, ninkinan mees uñantaheŋ upokunayeŋ. Nómár agune luwaŋo awunkulo n'iwonnundoonuŋne gub. Ingah! Aji upokunayeŋ iniman ni me ipokunoonuŋne, jamaŋo nip ampájihineh maro ninkinan uguyeŋne ñantaalibehum.

Ingah! Iniman me Umuyhánan ingi arafankánan iyicne hádihenkinan, ninkinan mees, maŋ nim guñantaheŋne uyicárayeŋ hádikinan. A buyichu hádikinan ijellihinoonuŋjellihin n’uñantaheŋne ukaanaŋ.

Ayéjem: - Inini, pájiiro h’akanne iŋay bukaano ineeŋ, kanda waat adúk inno bim n’adékireh úpájihineh h’akanne ikaani nim.

Ingah! Janteneŋ baŋ k’íteekinoonuŋ marigeno: Yikireŋ údool m’afankánehne ulaamekinem. Maŋ nim ganik agune a nintiku úbuuñuraaŋo. Ingah! Yikireŋ úbuuñuraa m'afankunehne m'abúuñuremne.

Inini ninkinan, uyennehineŋyennehin h’éteekinoonuŋne. Kanda ingah! Buyennehin bareŋ bádáŋ. Buyennehin bareŋ bádáŋ. Moŋon moŋon akanne h’éteekinemne ayikunkuneh na básuum a hafithinem.

Angu Yensa n'apájulne hómár akeng a guboolo. Bakengi, awuraŋ gusolhunom k'agéena sarbeto. Maŋ ni ñansóogo angéenahne sarbeto, maŋ nim gagéenane. Bagéenay sarbeto mees, adooh guboolo k’awakul na baaruŋo. Bawakuli na baaruŋo, akomb buyichu hádiku ñantaalibehinem. Moŋon moŋon gayici hádikinem, amunkulum ingi sarbeto n’agéenane.