Amavesi eBhayibheli adumile avela kokuthi Matiyu 28

Dlulisela

No enona, nye e ken e bwe binbin mo be nobǝ a tswa zǝnchaje ena be e nga be ya e ba m anga. Nye e bwe be batisǝma adi ti mo Àtà hon, ngge ḿ mo Nwen hon, ngge ḿ mo Engǝ́ Echanwenwen. Nye e tú be, be e tse binbin mo be mò a m̀ jan nye ángá. Nye e yi adi ebi jan, m no ngge nye nogwa nogwa ti ken a ngga ekǝn-etkyen mo zǝnchaje.”

Kǝnggwa Yeso è bwa tenten a zǝn be nè jan, “Ehwya no gu ara m emwentì a chu binbin mo be mò, a kpe ngge a tswa zǝnchaje.

Tea maleka hon è jan be ndegwa hon jan, “Nye e tsen nye etsentsen ra, adia m yi jan nye tkunda anga Yeso, a bè kenfu a chu eswafǝ ángá. Ge fwa ye ana ra, ge nyi ara etkyen a dì abu gè jan ángá. Nye bwa di zǝn a bè twà ye ángá.

Kǝnggwa Yeso è jan be jan, “Nye e tsen nye etsentsen ra. Nye ken jan be nwenjwa m, be e ken a Galili ba di m a zǝn.”

Atan a be Ekǝ́n echa hon è fǝn ara chu ngge be atkwen nobǝ ángá, bè te engga nè senvǝ ngge be yakàn hon nè no be tse embo. Bè jan be e jan, “Nye e jan, ‘Be etsonchi mbwe è bwa zǝ́ ti ara kǝn mbwe etsǝ atan a jé dwa dan ángá.’ Ano fwa hon ena, kengga a tón mo gomna, je jan a jwa nye fwa hon a zǝn ye evǝa fwa a ben ye nye ra.” Enona, be yakàn hon cha tse hon nè bwe abu bè jan be ángá. Etkyen mo fwa hon è kpò kwa gu engga mo be ya a Yahuda, ti bwangga nòmo na, be chà jan nó kan anga.