Amavesi eBhayibheli adumile avela kokuthi Matiyu 24

Dlulisela

Adi etubim mo be mofǝ̀, edgyan a be nobǝ no ngge nó e sojube anga, a tswa ju, tea ende e bon-ekǝ̀n kengga ekǝn-etkyen a ben ega.

Ngge ba du edgon a chu Fwa Esese a chu zǝnotì mo Ehwya hon a kwa a gu zǝnchaje. Mò ena a no abu fwa ejantum a zǝn binbin mo be nobǝ a tswa zǝnchaje, kǝnggwa ekǝn-etkyen hon a bwa.

Nya fo fwa a chu be kàn ngge asha mo be kàn, nye e tsen nye etsentsen ra. Be mò yishwa ena a bwe a tén ebwem, tea ekǝn-etkyen mo be chà nyabwa.

Be nobǝ a eyasǝnsen akan a nyo kàn ngge be ya eyasǝnsen efki, be nobǝ mo zǝnotì akan a nyo kàn ngge be nobǝ mo zǝnotì efki. Mbe a fu ngge sǝnsen a chìju a tswa be zǝn efki efki. Binbin mo be mò ena, a etkem mo ekan engǝm hon kpwà ara. Ge no abu etkem mo edwadwa mo mba e fu ndegwa jufà no anga sangǝ́, ge chà a mbwa nwen hon.

Kpe ngge zǝnchaje a twa a fǝ̀, tea ge no kenm be fwa mam bwe a kǝ̀n a tén ebwekǝ̀nm.

Adia be nobǝ embo a bwa adi ti mam, n no a jan anga a chu be jan, a be ba Kristi hon, na nggade be nobǝ embo.

“Kǝnggwa ba kpu nye a no be nobǝ ya a tswa nye ekan na gu nye. Binbin mo be nobǝ a tswa zǝnchaje a ze nye a chu ti mam. Atan enò, be nobǝ embo a twa a gwa chaebi mo be n tsǝ́ a du so, na ze so. Be efojan fwafe embo, a mbwi a bwa, na ngga a de be nobǝ embo.

Yeso è janfwe be jan, “Nye e bgeshi fǝzǝn a fwa ende akan ngga a de nye.

Enona, a nye gaten, nye e no e kpwà adi zǝn edim, adia a me Nwen Nobǝ hon a bwa adi awa hon a nye ka nye ra ángá.

“Enona, nye e bgeshi fǝzǝn, adia nye yi nye nò hon nwone a Yagwamo mu mo nye a bwa ángá ra.

“Ende e yi nò hon eno e ra awa hon nwone a m twabǝ a bwa ángá fwa ye ra. Èé be maleka mo Ehwya eno e ra a me, je yi je ra, kpwà tén Àtà hon yi nó a ge.

Adia be nobǝ embo ya a fǝ́ chu be Kristi ngge be ya fefwa jan ba be efojan mo Ehwya ángá, a mbwi a bwa. Ba bwe be echi àywá ngge be moeditanm evǝa be e ngga e de be nobǝ. Ge è ma no ebwetim bà a ngga a de èé be ya Ehwya è swavǝ ara ángá.

Abu gè no adi be ekpengga mo Nuhu ángá, enò abu ga no atan a me Nwen Nobǝ hon a bwa ángá. Adi be tsǝnò eni, a embobin è chà mbo ye ra ángá, be nobǝ è no de anga, nè no ngǝ anga, bè no fǝ́ ndegwa anga nè no du be ndegwa don anga. Bè no bwe enò anga, ti kengga atan a Nuhu è kwa a tswa ngga hon ángá. Bè yi be mò è bwe anga ra, kpwà tén atan a embobin hon è bwa mbobin gu be. Eni a abu ga no, nò ebwam mam, a me Nwen Nobǝ ángá.