Amavesi eBhayibheli adumile avela kokuthi Matthieu 28

Dlulisela

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie. Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Môsi g’ôba amabandôa évovo n’agetoe mbe: Gôndé anye navovo mbe nôneena gomo. Anye nôbuta Jésus, ône akomediôkô va gésuma sowa. Asabadô éva. Akundugi gameevédangô. Vigani nôviena tungune éyamédiôkô angô.

Jésus amasuméda ahngô mitémamie mbe: Nôneena gomo. Kiakani nôkebeenda ana aTétee n’ami mbe: Kiakani na gô Galilée. Nôngeena Jésus te gône.

Tsesuye yadeekedi adigondoku amadigaa gô kundu na peeye yAjuif. Amavangana mbe: Tôngeetsa migodemie ôkabô adode gôémivooto kabaga anigôa môma éne émeenahngô. Amatôma migode mbe: Nôvovo te mbe: Gômeeboga we na pitsi, aneengie aJésus amaviga gôéesua nzumbine. Okô môtômine atsenge ookiô tsangô nene, we avo tôndé na ngudi gôékônza n’edi ébégôe, na gôénôsungéa. Migode amabongo dodeye na amookô ndongi dimeetsô ahngô. T’ebandô tsangô nene ématsanzabana va gatse Ajuif ngu na deo noo.