Amavesi eBhayibheli adumile avela kokuthi မဿဲ 13

Dlulisela

“မြေအကောင်းမာ ကျစာမျိုးစိတိစာ ထိုတရားတော်ကို ကြားရို့ နားလည်ကတ်စာ အခြားလူတစ်မျိုးနတူကတ်တေ။ သူရို့အထဲက တစ်ယောက်တစ်ရီမာ အဆသုံးဆယ်၊ တစ်ယောက်တစ်ရီမာ အဆခြောက်ဆယ် အရာ တစ်ယောက်တစ်ရီမာ အဆတစ်ရာတိုင်အောင် အသီးသီးရေ။”

“စူးခြုံတောမာ ကျစာမျိုးစိတိစာ ထိုတရားတော်ကို နားထောင်ကတ်စာ အခြားလူတစ်မျိုးနတူကတ်တေ။ သူရို့စာ တရားတော်ကို ကြားရို့အတိုင်းလည်း သူရို့မာ အိမ်ထောင်ရေး စဉ်းစားခြင်းန ပစ္စည်း-ဥစ္စာကို တွယ်တာခြင်းစာ တရားတော်ကို ဖိထားရေ။ ယင်းအတွက်န ယင်းတရားတော်စာ အသီးမသီးနိုင်။

“ဒေဂု လယ်သမား ပုံဥပမာ အဓိပ္ပါယ်ကို နင်ရို့ နားထောင်ကတ်။ လမ်းနားမာ ကျစာမျိုးစိတိစာ ဂေါင်းခင်နိုင်ငံတော်၏ တရားတော်ကို ကြားရို့အတိုင်းလည်း နားမလည်ကတ်စာ လူတစ်မျိုးနတူကတ်တေ။ သူရို့ စိတ်နှလုံးမာ ကြဲထားလီစာ တရားတော်ကို မာရ်နတ် လာရို့ နုတ်ယူလားခရေ။

“အရာ ကျောက်နရောစာမြေမာ ကျစာမျိုးစိတိစာ ထိုတရားတော်ကို နားထောင်ကတ်စာ လူတစ်မျိုးနတူကတ်တေ။ သူရို့စာ ထိုတရားတော်ကို ကြားရေချက်ချင်း ဝမ်းသာရို့ လက်ခံကတ်တေ။ ယေကေလည်း ထိုတရားတော်စာ သူရို့ စိတ်နှလုံးမာ အလှပ မစွဲရေအတွက်န တစ်နားသျှေရာ တည်မြဲနိုင်ခကတ်တေ။ ထိုတရားတော် အကြောင်းန ညှဉ်းဆဲခြင်းန ဒုက္ခကို ခံရရေချက်ချင်း နောက်ဆုတ်လားခကတ်တေ။

“ဂေါင်းခင်နိုင်ငံတော်စာ လယ်ပြင်မာ ရွှက်ထားစာ ဥစ္စာနတူရေ။ လူတစ်ယောက်စာ ယင်းဥစ္စာကို ရှာရို့ ရရေခါ ယင်းလယ်မာ ပြန်ရို့ ရွှက်ထားလီရေ။ ယင်းနောက် သူစာ ပျော်ရို့ အိမ်တို့ ပြန်လားခလီရေ အရာ ကိုယ့်မာ ဟိသမျ ဝန်ဆန်တိကို ရောင်းရို့ ထိုလယ်ကို ဝယ်လီရေ။

ယေကေလည်း တစ်ချိုးမျိုးစိတိစာ မြေအကောင်းမာ ကျလီရေအတွက်န အသီးသီးလီရေ။ အရာ ထိုအပင်တိအထဲက တစ်ချိုးအပင်မာ အဆသုံးဆယ်၊ တစ်ချိုးအပင်မာ အဆခြောက်ဆယ် အရာ တစ်ချိုးအပင်မာ အဆတစ်ရာတိုင်အောင် အသီးသီးလီရေ။”

ယင်းထက်ပင် ယင်းသျှင့်တိကို အသီးအနှံ ရိတ်ဖို့အချိန် မတိုင်သကြား တစ်ညီတည်း ကြီးအောင် ထား။ ယင်းနောက် အသီးအနှံ ရိတ်သူရို့ကို ငါ ပထမဆုံး ဆတ်ခိုင်မြက်တိကို ရိတ်ရို့ စည်းပြီးကေ မီးတိုက်စီဖို့။ ယင်းနောက် ဂျုံနှံတိကို ရိတ်ရို့ ငါ့ ရိုင်မာ ထည့်စီဖို့။’”