Amavesi eBhayibheli adumile avela kokuthi Matiw 26

Dlulisela

Wu gonggpee yakhal wu kihh dhangNaan tapp'baa wu pal dhighin zhwaan'pee mou. Riin kihh dh'om, dhangg shoopshik kihh bhall mou.”

Bhi satt mwopp le, “Kai, en na wad bis-bis harr kaa a'n a p'ee mih-muut se. Wu kwangg se sh'i gonggpee kihshag kihh a'n.”

Kaarooh wu'nyi pann shang dum diy lee kihkyeen, bhi sam saam kih bwut niy, shup yit niy yill y'aa dhangNaan le, “Daa, mihh kihh mak sh'in bhi dyinn ghi m'ang zhangg zheell mhize lhi'baa kaah nah. Dhangg tapp diy dharr a p'an m'aan mou, dharr a p'an mag-ghah.”

Mihhse a teghem nah w'u a teghem Gabshit; teghem nah w'u ih dheer p'ee gurum dhess, p'ee fwah khi shigbis.

Kaarooh mwopp kaah soh, bhi Jesu m'ang gihkhill gutt, bwoonrooh pihh plangg Naan kaah, bhi trep gihkhill gutt ni pihh zheppkamm keeniy ni mwopp, kihh satt le, “Wu lapp wu so; mihhse a shoopsan.”

Bhi m'ang l'aa zhangg ni, bwoonrooh pihh plangg Naan, bhi pihh mwopp, kihh satt le, “Wunn weett wu shwaa dhighin l'aa zhangg ni.

Bhi baa'taah kihpee zheppkamm keeniy ni mwopp diy, bhi kad mwopp chaat ruh s'aam. Bhi Jesu nang phi Siman le, “Hah, baah wu mak tong gonggpee kihshag kihh a'n p'ee gonggpee kihmeh kyekk mou ang'?

Ih kihh satt wunn, yakhal mwasseh kihhshe, bhi baah a'n p'ee shwaa am'anab dyi kihhshe mou, seeh p'ar w'u a'n p'ee shwaa nyi dyi a wu'pwooh kihshag kihh wunn dhighin dhenglong khi Daa.”

Bhi Bitrus kakkder pwoo w'u dyinn Jesu satt riy le, “Dhangg dool kihh peetpee, bhi gha p'ee shiihshig man a'n yit kunn,” seh. Bhi Bitrus mett put kihtekhell, put shwat wall dhekk-dhekk pwetd.

Wu yakhal munn mu dhel! Wu naah, g'u seett kihh a'n ji wull!”

Bhi Jesu satt nyi le, “Shenn g'oo keegha patt, p'ee kapp mhi sh'in dhakk kihh g'oo, bhi a g'oo p'ee p'ar twa mwopp.