Amavesi eBhayibheli adumile avela kokuthi Bafilipɔ 2

Dlulisela

mooketaya naa nɛ kɛmɔ mo meango ɔbɛɛ mu kwiseka bokata alakini mwiyikye ɔɔsɛ mondo ɔmɔɛ bakinɛ boe bakoo koe awɛ, ɔɔsɛ mondo ndalɔlaya bitokonda awɛ ikɛɛsa, alakini ɔlɔlɛ kabee bye bakinɛ.

Mɔɛndɛ bobo asambea banu bɔtɔɛnda abɔ monda mwa Yɛsu Kilisito

awɛ waba boe Kakua, ndamɔa keemo kye kwilengeka na Kakua, alakini wikɔnɛɛ awɛ mwɛɛnɛ, na kwibeka boe mocha, na kwibeka boe waeyana ne mondo, waiiyikya awɛ mwɛɛnɛ mu kuimenya lokwo, lokwo ko mote we maakanu.

Kakua ne otokamba monda mwiinu kokonda ne koketa, mo kokonda kwakɛ.

Kɔ bɔbɔ, Kakua wamɔnyɛmya na kɔmɔɛcha chiina le konganda kwe chiina lɛsɛ. Ko boa ɔɔsɛ ilu lye bae kwiyoo ne bae mɔ mɔsɛngɛ ne bae kose kwe matɛkɛ libungwe ku chiina lya Yɛsu. Ne ɔɔsɛ loleme lɔɔchɛ itɛ: «Yɛsu Kilisito ne Mwaame» ko boombe bwa Tati Kakua.

Mokete biisɛ ndɛ mɔ mɛchɔwɛ ne mo meango, kɔ bɔbɔ mɔbɛ bando bataasi ne ibɛchi ne bwabea, baana ba Kakua bataasi ne ikɔya mwingya mwee bando baachimbea njea ne baɔnɛka lokani, mwingya abɔ moe mɔ kɔkɛnya boe mimunɛ mɔ mɔsɛngɛ

Ko bobo ee babotwa naanɛ, bɔbɛɛ baanu mɔ kɔnyɛmya ndɛɛkɔ ikɛɛsa abɛɛ mee niinu kɔmɔɔsa alakini kabee ataasi mee niinu kɔmɔɔsa, mokambee kooloka kwinu ne bɔɔba ne mochanjo.