Amavesi eBhayibheli adumile avela kokuthi Bakalatia 6

Dlulisela

Toketaye byaachi kotasi kɔkɔɛka. Kɔmɔa totakaole mo keeko ketokoka, kende ndetwakɔɛka.

Ko bobo, kende tookonja kyaanya ke koketa byaachi, toketaye bando basɛ byaachi, kɛtɛchɛ babotwa niito be iekekeo.

Mochaeane misiɔ banu bɛɛnɛ na bɛɛnɛ, mo koketa bobo, motanyɛmyɛ Salia ya Kilisito.

Mwiiongaya: Kakua ndaasi we kɔnyɛkwa; mondo otokaola ne byabyaa awɛ.

Kɔmɔa ingɛ mondo osobyaa awɛ mwɛɛnɛ kɛ lɔkɔba, otakaole bimuka bitotoka kɔ lɔkɔba, nɛ kɔɔcha lokwo. Olya wabyaa bitokonda Motema wa Ama, otakaole bimuka bitotoka ko Motema wa Ama nɛ kɔɔcha, mwɛchɔ we meombo.

Babotwa naanɛ, ingɛ mondo usubundeka mo bwabea bɔɔsɛ, banu bae ne Motema wa Ama wa Kakua, mɔmɔɔtɔsɛ bɔkɛbɔkɛ ne motema wa ɔla. Mondo ɔɔsɛ asambea baanu uilɔlɛ awɛ mwɛɛnɛ, kɔmɔa na awɛ ndaoleaya mo kokea mo bwabea.

Kɔmɔa, ingɛ mondo usuininga itɛ awɛ ne otobaelwa lwa koko ne awɛ ndaasi kyɛndɔ, utuiyonga awɛ mwɛɛnɛ. Mondo ɔɔsɛ ɔlɔlɛ bikete byakɛ mwɛɛnɛ; ingɛ oe ne kye kuitombeka, uitombeke ko bikete byakɛ awɛ mwɛɛnɛ, ataasi kuilengeka ne mondo ukinɛ. Kɔmɔa, mondo ɔɔsɛ otachae musiɔ waakɛ awɛ mwɛɛnɛ.