Amavesi eBhayibheli adumile avela kokuthi Baɛfɛsɔ 4

Dlulisela

Moongwe mo koketeana byaachi ne kuungweana lokwa, boa bwamuungwea Kakua lokwa koetea Kilisito.

Moongwe bando be kwiikya nɛ baɔla ne kokemya motema, ko kokondana kwinu banu bɛɛnɛ na bɛɛnɛ mokemye metema.

Mo tonwa twiinu moolaya makomo mabea. Mo tonwa twinu, moolaya makomo maachi matokoka kɔɛbɔa bakinɛ mɔ bɔɛnwa bwabɔ, kabee matabeese lɔkɔka ko baa batomaiungwecha.

Mama makomo masɛ momakosoe njɔɔ: kobekeana mɛsɔna, kɔbɛbɛɛlwa, moemo, meango, kɔbɛngɛana bia biisɛ kɔmɔɔsa ne kochoa, mɔlɛkɛchanɛ nabyo.

Kende mosoemoka, mwilɔlɛ mooleaya mo koketa bwabea. Koemoka kwinu kotowaena kusie kombaa kwe chooba koya. Ndɛkɔɛcha Isombo iboa.

Nɛ kɔ bɔbɔ, bitowaena mɔlɛkɛɛ bikete binu bye kaɛ. Kabee mɔlɛkɛɛ bikete binu bye manu bibɛchayee mo kobachaa ku kuchimbea. Moketwe bayabaya mo metema yiinu ne mo lokani lwinu; Kabee mutuuluke bando bayabaya, babombiwee koeyana na Kakua, mo koongwa ne bikete byaachi ne bya Ama bitotokea mu kiinɛkinɛ.

Muifɛkɛɛnyɛ kuchikaa kɔmɔɔsa boa bototobeka Motema wa Ama mo bɔmɔɔsa. Kabee moongwe mukuchikaa mo nyaa yee mo kobabeka mo boa bɔmɔɔsa.

Awɛ mwɛɛnɛ ne waɛcha bando meanda. Waketa bamɔchi koongwa ndomwa, bakinɛ ndɛnda cha Kakua, ne bakinɛ batosaola Ilɔngɔ Lyaachi, bakinɛ basangi ne bakinɛ baeyechi. Waketa bobo ko kosangya bando ba Kakua bakambe meemo yaakɛ, kɔmɔa mobee wa Kilisito ɔsɛngwɛ. Ko bobo bae basɛ totaolee koongwa mo bɔmɔɔsa mu iekekeo liito ne komocheba kiinɛkinɛ Mwana wa Kakua. Alya, totabɛ bando bakiya ne koolea mokeema kya Kilisito mwɛɛnɛ.

Ko bobo, tokaongwe kabee baana bakɛɛkɛ, batoendwa koko na koko ne maeyechi mabea kotoka ko bando be maanu, matobachimbecha. Kende totasaoleane kiinɛkinɛ mo kokondana, totakoe mo njea chisɛ, ne koolea mo keema kya Kilisito oe motwe.