Amavesi eBhayibheli adumile avela kokuthi 2 Timɔtɛɔ 2

Dlulisela

Ko bobo, awɛ, itendemeka kobaeyecha ikomo lya Kakua paa paa. Alya otaongwe mokambi otaasi kuungwea moemo waakɛ masɔni. Kɔ bɔbɔ, Kakua otakobaele awɛ itɛ oe mokambi we kiinɛkinɛ.

Chokaya ikaa lya bea lye botekoa. Kabee engaa kuchikaa monda mwe kiinɛkinɛ, ne mu iekekeo, ne mo kokonda ne mo nyaa amɔɔsa ne bando bakinɛ batwiyaya kwa Mwaame ne motema wa sokoka.

Mocha wa Mwaame ndatowaena kɔɔndɔa. Oongwe mondo wa ɔla kombaa kwe bando basɛ. Bwakaɛ, otowaena koongwa nɛ bɔkɛtɛ bwe koeyecha ne kokemya motema ku ikyɛtɔ le bando.

Bwakaɛ, kende tuusi ne iekekeo, awɛ waanga ne wee kiinɛkinɛ, kɔmɔa ndakaitone awɛ mwɛɛnɛ.

Otokoka koeyecha batokonda koangechana naakɛ nɛ bɔɔlɛ. Kende Kakua unabakwasa kutuula ngani chabɔ ne kocheba kiinɛkinɛ.

Makomo matochimbeela bando bɛ mɔsɛngɛ, ikɛngaya namɔ. Kɔmɔa maa makomo, maanga bando kwiingecha amɔ, maanga kobachaa njɔɔ na Kakua.