Amavesi eBhayibheli adumile avela kokuthi Naiˍ htangˍ 11

Dlulisela

Yang na ya myangˉ beu, Anˍtiˉokˆ vengˍ veu suiˍ langˉ jiˉ. Yaˇ yetˍ aˍ htiˍ nuing pi lumˉ lumˉ Hkritˆ yanˍ ang muˉ kawngˉ hpawm lang yao, changˉ ang muˉ uiˉ na maˍ biˍ jiˍ. Taˍ peˍ htiˍ baˍ uiˍ na Hkritˆ yanˍ nae haoˉ naeˉ uiˉ ang maengˉ na, Anˍtiˉokˆ vengˍ veu maengˉ taw laˉ jiˉ.

Yang hiˉ keung hkeu yao Hpaˍcaoˍ beu ang buinˉ na ya myangˉ yao mawnˍ pyawˉ jiˉ. Nawng nuing ba yiˍ naenˉ nae Ang suingˉ Yeˍsuˆ na puing ing voˍ nae yawng hkaˉ hko laˉ hko uiˉ na yang kaˍ piˍ htaengˍ jiˍ. Aˉ mae yao nae baoˉ vaˍ, Baˍnaˍbaˆ nawˍ changˉ ang maenˍ hpeuˍ yao Ang hkawˍ laˉ ang seungˍ sangˉ na baˍ upˍ, yumˉ naeˉ uiˉ na baˍ upˍ htiˍ puing ca naeˉ changˉ uiˉ yaˇ. Haeˉ mae beu, changˉ ang byaˍ Yeˍsuˆ na yumˉ saˉ laˉ laeˍ jiˍ.

Ang suingˉ Yeˍsuˆ na gu yumˉ saˉ beu, Hpaˍcaoˍ gu na lapˍ sawngˍ piˍ laˍ naeˍ lawˉ, yawng na muiˉ piˍ baoˉ vaˍ, gaˇ aˉ mae ha yao Hpaˍcaoˍ na haenˉ taw naeˇ nae, Peˍtruˆ ciˍ jiˍ. Ningˉ awˍ lawng ningˉ na yawng ya kyaˍ beu, yawng htiˍ ceuˍ nae muiˉ baˍ hkai. Yawng Hpaˍcaoˍ na chiˍ mawng yao ciˍ jiˍ yang, haeˉ mae baoˉ vaˍ, Yuˉdaˆ changˉ baˍ aˍ nae changˉ uiˉ muiˉ Ang hkawˍ laˉ yaˍ teˍ yaˍ naeˍ uiˉ saˍ laiˍ, Hpaˍcaoˍ yawng beu naˍ hokˍ na kuitˆ puiˉ laeˍ naeˍ uiˉ saˍ laiˍ aˉ hkvangˍ piˍ naeˍ nae ha biˍ jiˍ.