Amavesi eBhayibheli adumile avela kokuthi Johan 17

Dlulisela

“Sạriyakʼ hotete am lạgitʼge onko do begar dohokom. Amakʼ katha kangea ona sạriyakʼtetʼ do.

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

“Eken onko lạgitʼ iń nehõrokʼ kana ona do baṅ, menkhan okoe nokoakʼ kathate ińreko pạtiạukʼkan onko lạgitʼ hõń nehõrokʼkana, jemon onko sanamko mitʼko hoyokʼ. E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Noa dhạrti khon idiko lạgitʼ do bạń nehõram kana, bickom nehõrokʼ kạnạń, jemon Soetanakʼ ti khonem bańcaoko.

Oka ṭhonokem emakawạdiń ona do onkoń emakatʼkoa, jemon alaṅ cetʼleka mitʼ menakʼlaṅ onko hõ onka mitʼko tahen. Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kol akadińa ar cetʼleka ińem dulạṛedeń kan onkage onko hõm dulạṛetʼkoa.