Amavesi eBhayibheli adumile avela kokuthi MATIU 27

Dlulisela

Ma ra itul a pana bung um ra matarahien Jisas ga kakongane ma igom tange, “Eloi, Eloi, lama sabaktani?” Ma no pipilaina be, “No nugu God, no nugu God, urah be u te hana sukun iou?”

Io, no tamat na mol, nong di git balo kutus ter no tamat na hala na lotu ma ie, ga tamadiris hairuo, hatahun leh metuma nalu utusu muk napu. Ma igom gunagune no pu ma ira hot gom tamapidik. Ira midi na bul minat ga tamapapos ma a haleng ut na takados ing di gate mat, di ga tut hut baling tikai ma ira palatamai di.

Ma be Jisas ga manga kakongane baling, io, iga waak leise no nuno nilon, igom mat um.

Ma tike tamat na umri ta tike matana ubane, aie tikai ma ra ri, di ga balaure ter Jisas. Ma be di ga nes no kunakuner ma ira linge bileng ga hanawat, di ga manga burut, di gom tange, “Tutuno sakit a natine God at ie!”

Ira katano bakut ga kadado hatahun leh ra sangahul ma iruo na pana bung ra tingana kasasa tuk ter ra aitul la pana bung ra matarahien.

Io, Pailat ga tiri di be, “Ma ni bihane um Jisas nong di kilam ie be Krais?” Ma di bakut, di ga balu ie, “Da tut ie ra ula kabai!” Ma ne Pailat ga tiri di be, “Mu tange hobi urah? A mangana nirara so ite gil ter?” Iesene di ga manga kakongane balik, di gom tange, “Da tut ie ra ula kabai!”