Amavesi eBhayibheli adumile avela kokuthi ወንጌል ዘማቴዎስ 6

Dlulisela

አንትሙሰ ኅሡ መቅድመ መንግሥቶ ወጽድቆ ወዝንቱሰ ኵሉ ይትዌሰከክሙ።

ኢትተክዙኬ ወኢተበሉ ለጌሠም እስመ ጌሠምሰ ትኄሊ ለርእሳ የአክላ ለዕለት እከያ ወስራሓ።

ወበእንተዝ እብለክሙ ኢትተክዙ ለነፍስክሙ ዘትበልዑ ወዘትሰትዩ ወኢ ለሥጋክሙ ዘትለብሱ አኮሁ ነፍስ ተዐፅብ እምሲሲት ወሥጋ የዐፅብ እምዐራዝ።

ወአንተሰ ሶበ ትጼሊ ባእ ቤተከ ወዕፁ ኆኅተከ ወጸሊ ለአቡከ ሰማያዊ በኅቡእ ወአቡከ ዘይሬእየከ በኅቡእ የዐስየከ ክሡተ።

አንትሙሰ ሶበ ትጼልዩ ከመዝ በሉ አቡነ ዘበሰማያት ይትቀደስ ስምከ። ትምጻእ መንግሥትከ ወይኩን ፈቃድከ በከመ በሰማይ ከማሁ በምድር።

ሲሳየነ ዘለለ ዕለትነ ሀበነ ዮም።

ኅድግ ለነ አበሳነ ወጌጋየነ ከመ ንሕነኒ ንኅድግ ለዘአበሰ ለነ።

ኢታብአነ እግዚኦ ውስተ መንሱት አላ አድኅነነ ወባልሐነ እምኵሉ እኩይ እስመ ዚኣከ ይእቲ መንግሥት ኀይል ወስብሐት ለዓለመ ዓለም አሜን።

እስመ ለእመ ኀደግሙ ለሰብእ አበሳሆሙ የኀድግ ለክሙኒ አቡክሙ ሰማያዊ አበሳክሙ።

ነጽሩ አዕዋፈ ሰማይ እለ ኢይዘርዑ ወኢየአርሩ ወኢያስተጋብኡ ውስተ አብያት ወአቡክሙ ሰማያዊ ይሴስዮሙ አኮኑ አንትሙ ፈድፋደ ትኄይስዎሙ።

ኢትዝግቡ ለክሙ መዝገበ ዘበምድር ኀበ ይበሊ ወይማስን ወኀበ ፃፄ ወቍንቍኔ ያማስኖ ወኀበ ሰረቅት ይከርዩ ወይሰርቅዎ። ዝግቡ ለክሙ መዝገበ ዘበሰማያት ኀበ ኢይበሊ ወኢይማስን ወኀበ ኢያማስኖ ፃፄ ወቍንቍኔ ወኀበ ሰረቅት ኢይከርዩ ወኢይሰርቅዎ። እስመ ኀበ ሀሎ መዝገብክሙ ህየ ይሄሉ ልብክሙኒ።

ኢይክል አሐዱ ገብር ተቀንዮ ለክልኤ አጋዕዝት ወእመ አኮሰ አሐደ ይጸልእ ወካልኦ ያፈቅር ወእመአኮ ለአሐዱ ይትኤዘዝ ወለካልኡ ኢይትኤዘዝ ኢትክሉኬ ተቀንዮ ለእግዚአብሔር ወለንዋይ።

ወናሁ ሣዕረ ገዳም ዘዮም ሀሎ ወጌሠመ ውስተ እቶነ እሳት ይትወደይ ወእግዚአብሔር ዘከመዝ ያለብሶ እፎ እንከ ፈድፋደ ኪያክሙ ኦ ሕጹጻነ ሃይማኖት።

ወአንተሰ ሶበ ትገብር ምጽዋተከ ኢታእምር ፀጋምከ ዘትገብር የማንከ። ከመ በኅቡእ ይኩን ምጽዋትከ ወአቡከ ዘይሬእየከ በኅቡእ የዐስየከ ክሡተ።

ወባሕቱ ዑቁ ምጽዋተክሙ ኢትግበሩ ለዐይነ ሰብእ ከመ ታስተርእዩ ሎሙ ወእመ አኮሰ ዐስብ አልብክሙ በኀበ አቡክሙ ዘበሰማያት።

ወሶበሂ ትጸውሙ ኢትኩኑ ከመ መደልዋን እስመ እሙንቱ ይትመጸለዉ ወይቈጽሩ ገጾሙ ወያማስኑ ከመ ያእምር ሰብእ ከመ ጾሙ አማን እብለክሙ ነሥኡ ዕሴቶሙ። ወአንትሙሰ ሶበ ትጸውሙ ቅብዑ ርእሰክሙ ወኀጽቡ ገጸክሙ። ከመ ኢያእምር ሰብእ ከመ ጾምክሙ ዘእንበለ አቡክሙ ዘበሰማያት ዘበኅቡእ ወአቡክሙ ዘይሬእየክሙ በኅቡእ የዐስየክሙ ክሡተ።