Amavesi eBhayibheli adumile avela kokuthi ወንጌል ዘዮሐንስ 14

Dlulisela

ሰላምየ አኀድግ ለክሙ ወሰላመ አቡየ እሁበክሙ አኮ በከመ ይሁብ ዓለም ዘእሁበክሙ አነ ኢይደንግፅክሙ ልብክሙ ወኢትፍርሁ።

ወይቤሎ እግዚእ ኢየሱስ አነ ውእቱ ፍኖተ ጽድቅ ወሕይወት ወአልቦ ዘይመጽእ ኀበ አብ ዘእንበለ እንተ ኀቤየ።

ኢይደንግፅክሙ ልብክሙ እመኑ በእግዚአብሔር ወእመኑ ብየ።

ወባሕቱ ጰራቅሊጦስ መንፈሰ ጽድቅ ዘይፌኑ አብ በስምየ ውእቱ ይሜህረክሙ ኵሎ ወያዜክረክሙ ኵሎ ዘነገርኩክሙ አነ።

ዘቦቱ ትእዛዝየ ወየዐቅቦ ውእቱ ዘያፈቅረኒ ወለዘአፍቀረኒ ያፈቅሮ አቡየ ወአነሂ አፈቅሮ ወአሬእዮ ርእስየ።

ወአነ እስእሎ ለአብ ይፈኑ ለክሙ ጰራቅሊጦስሃ ካልአ ዘይሄሉ ምስሌክሙ ለዓለም። መንፈሰ ጽድቅ ዘኢይክል ዓለም ነሢኦቶ እስመ ኢይሬእዮ ወኢየአምሮ ወአንትሙሰ ተአምርዎ እስመ ኀቤክሙ ይነብር ወውስቴትክሙ ይሄሉ።

ወኵሎ ዘሰአልክሙ በስምየ እገብር ለክሙ ከመ ይሰባሕ አብ በወልድ። ወእመቦ ዘሰአልክሙ በስምየ እገብር ለክሙ ኪያሁ።

ወእመሰ ታፈቅሩኒ ዕቀቡ ትእዛዝየ።

እስመ ውስተ ቤተ አቡየ ብዙኅ ማኅደር ወምዕራፍ ቦቱ፥ ወናሁ እብለክሙ ከመ አነ አሐውር ወአስተዳሉ ለክሙ መካነ። ወእመአኮሰ እምኢይቤለክሙ ከመ አሐውር ወአስተዳሉ ለክሙ ማኅደረ።

ወእምከመ ሖርኩ ወአስተዳሎኩ ለክሙ መካነ ወምዕራፈ ወማኅደረ እመጽእ ካዕበ ወእነሥአክሙ ኀቤየ ከመ ተሀልዉ አንትሙኒ ኀበ ሀሎኩ አነ።

ወይቤሎ ቶማስ እግዚኦ ዘኢነአምር ኀበ ተሐውር በእፎ እንከ ነአምር ፍኖቶ።