Amavesi eBhayibheli adumile avela kokuthi ኀበ ሰብአ ቆሮንቶስ 2 1

Dlulisela

ይትባረክ እግዚአብሔር አቡሁ ለእግዚእነ ኢየሱስ ክርስቶስ አቡሃ ለምሕረት ወአምላካ ለኵላ ትፍሥሕት። ዘአስተፍሥሐነ እምኵሉ ሕማምነ ከመ ንክሀል አስተፍሥሖቶሙ ለኵሎሙ ሕሙማን በውእቱ ፍሥሓነ ዘአስተፍሥሐነ እግዚአብሔር።

ወበከመ በዝኀ ሕማሙ ለክርስቶስ ላዕሌነ ከማሁ ይፈደፍድ ፍሥሓነ በክርስቶስ።

ወአጥባዕነ ለመዊት ከመ ኢንትአመን በርእስነ ዘእንበለ በእግዚአብሔር ዘያሐይዎሙ ለምዉታን።

ወእግዚአብሔር ውእቱ ዘያጸንዐነ ምስሌክሙ በአሚን በክርስቶስ ዘቦቱ ቀብዐነ ወዐተበነ። ወወሀበነ ዐረቦነ መንፈስ ቅዱስ ውስተ ልብነ።

ወእመኒ ሐመምነ ከመ አንትሙ ትድኀኑ ወትትፈሥሑ ወእመኒ ተፈሣሕነ ንሕነ ከመ አንትሙ ትትፈሥሑ ወትጽንዑ በትዕግሥቱ ለውእቱ ሕማም ዘቦቱ ነሐምም ንሕነሂ።