Amavesi eBhayibheli adumile avela kokuthi ኀበ ሰብአ ቆሮንቶስ 1 13

Dlulisela

ተፋቅሮ ያስተዔግሥ ተፋቅሮ ያስተማሕር ተፋቅሮ ኢያስተቃንእ ወኢያስተኃፍር ወኢያስተዔቢ ልበ። ወኢያኀሥሥ ተድላ ለባሕቲቱ ኢያስተማዕዕ ወኢያኄሊ እኩየ።

በኵሉ ያስተማሕር ወበኵሉ ያስተዔግሥ ወበኵሉ ያስተኣምን ወበኵሉ ያስተዌክል።

ወኢያስተፌሥሕ በግፍዕ ወያስተፌሥሕ በጽድቅ።

ወይእዜኒ እሉ ሠለስቱ ዘይነብሩ እሙንቱ ሃይማኖት ወትውክልት ወተፋቅሮ ወእምኵሉሰ የዐቢ ተፋቅሮ።

ተፋቅሮ ለዝሉፉ ኢያኃሥር ወኢያወድቅ ወዘሂ ተነበየ ኀላፊ ወይሰዐር ወዘሂ ነበበ በነገረ በሐውርት ኀላፊ ወይትፌጸም ወዘሂ ጠበበ ኀላፊ ወይሰዐር።

ወእመኒ አእመርኩ ነገረ ኵሉ ሰብእ ወነገረ ኵሉ መላእክት ወተፋቅሮ አልብየ ኮንኩ ከመ ድምፀ ብርት ዘይነቁ ወእመ አኮ ከመ ከበሮ ዘይዘበጥ።

ወእመኒ ተነበይኩ ወአእመርኩ ኵሎ ዘኅቡእ ወኵሎ ጥበበ ወእመኒ ብየ ኵሉ ሃይማኖት እስከ አፈልስ አድባረ ወተፋቅሮ አልብየ ከንቶ ኮንኩ።

ወእመሂ ወሀብኩ ለምጽዋት ኵሎ ንዋይየ ወዓዲ ሥጋየኒ ለውዕየተ እሳት ወተፋቅሮ አልብየ አልቦ ዘረባሕኩ።

ወአመሰ ደቂቅ አነ ተናገርኩ ከመ ደቂቅ ወኀለይኩ ከመ ደቂቅ ወመከርኩ ከመ ደቂቅ ወአመሰ ልህቁ ሰዐርኩ ኵሎ ሕገ ደቂቅ።