Amavesi eBhayibheli adumile avela kokuthi फलिपी 4

Dlulisela

कोईबी बात की चिंत्या मना करो, पण परमेसर को सगळी बात ताँई दिलऊँ धनेवाद करता होया थानै जखो चाए ह बि ताँई बिऊँ अरदास अर बिणती कर माँगता रह्यो।

जणा थानै परमेसर कानिऊँ बा स्यांती मिलसी जखी मिनखा की सोचऊँ बोळी परै ह अर आ स्यांती थारा दिल अर हिया की मसी ईसु म रूखाळी करसी।

मेरा लाडला बिस्वास्यो, जखी बाता सची, आदरमान करबाळी, धारमिक, पबितर, प्यारी, सदगुण, चोखी, बडाई जोगी ह बा बाताऊँ थे थारी बुदीनै भरल्यो।

अर मसी कानिऊँ मिलेड़ी सक्‍तिऊँ म हरेक दसा को सामनो करबा की हिमत राखूँ हूँ।

परबु को संगरो राख'र सदाई राजी-खुसीऊँ रेह्‍ओ, म ओज्यु थानै खेऊँ हूँ, राजी-खुसीऊँ रेह्‍ओ।

अर बिका सगळा भर्यापूरा धन क सागै मेरो परमेसर मसी ईसु क हाता थारी सगळी जुर्तानै पूरी करसी।

जोक्यु थे मेरी बाता अर कामाऊँ सीख्यो अर पायो ह बानै लागू कर्या करो जणा स्यांती देबाळो परमेसर थारै सागै रेह्सी।

सगळा ताँई नरमाई को भेवार राखो। क्युं क परबु बेगोई ओज्यु आर्यो ह।

घाटा-मोसी म कंय्यां अर बोळो सारको होबा म कंय्यां जीणो चाए म आ बात सूल जाणू हूँ, कद बी अर कठै बी चाए म धापेड़ो हो अर चाएस म बास्यो हो, चाए मेरै कनै थोड़ो हो चाएस बोळो सारको हो म ओ भेद सीख लिओ क बिमै सबर राखूँ।

अर मनै कोई चिज की जुर्त ह इ ताँई अ बाता कोनी बोलर्यो, क्युं क मेरै कनै झिसो बी ह बिमैई सबर करबो म सीख्यो हूँ।