Amavesi eBhayibheli adumile avela kokuthi इफिसुस 6

Dlulisela

क्युं क आ राड़ मिनखाऊँ कोनी पण उपरी सक्‍तिया का अधिकारीयाऊँ, अँधकार का हाकीमाऊँ अर बुरी आत्मा की सेनाऊँ ह।

हरेक मोका प अर सगळी बाता म पबितर आत्माऊँ अरदास करता रह्यो अर बंय्‍यांई सगळा परमेसर का मिनखा ताँई जी ज्यानऊँ अरदास करबा ताँई जागता रेह्‍ओ।

अर परमेसर जखी लड़ाई की पोसाक अर हतियार थानै देवै ह बानै पेरल्यो जिऊँ सेतान की कळाबाजी क सामै खड़्या रेह सको।

इ ताँई परमेसर का सगळा हतियार बांदल्यो जिऊँ जद बुरा दिन आसी जणा दुस्मन का वारा को सामो कर सको, अर आखीर ताँई लड़्या पाछै बी मैदान म डट्या रेह सको।

अर आ सगळा क सागै बिस्वास की ढाल लेर डट्या रेह्‍वो जिऊँ सेतान की बळती बाणानै बुत्ता सको। छुटकारा को टोप अर पबितर आत्माऊँ देयड़ी तलवार जखी परमेसर को बचन ह लेल्यो।

इ ताँई सचऊँ कड़तु कसर, धरम की झिलम पेर, पगा म मेळमिलाप का चोखा समचार की त्यारी का बूट घालर त्यार होज्याओ

आखरी बात आ ह क परबु अर बिकाळी सक्‍ति म तगड़ा बणज्याओ।

“बादा क सागै दियड़ा हुकमा म ओ सऊँ पेलो हुकम ह, क थे थारा माँ-बाप को मान करो। जखा आपका माँ-बाप का कह्या म चालीं हीं बा ताँई बो बादो ओ ह की, ‘बाको भलो होसी अर बे धरती प बोळा दिना ताँई जिसी।’”

ओ टाबरो, परबु म थे थारा माँ-बाप की बातानै मान्या करो क्युं क थारै ताँई ओई सई ह।