Amavesi eBhayibheli adumile avela kokuthi मत्‍ति 23

Dlulisela

आम्‍नुरादाओ साङ झारादाङ्‌का अ़धुवा ओ, खो आम्‍नुओ काब़त्‍पा लिमादोत।

साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन होप्‍छोप, सोम्‍फा सुङ खोन्‍कि जिरा सुङ्‌ओ दस्‌कालोक्‌दा अ़क लोक त़प़न, मेन य़ङ्‌हुप्‌ओ अ़धिवा अ़तुक्‌वाचि, माङ्‌नालो छ़ङ्‌छेन्‍मा, सोम्‍तुक्‍मा खोन्‍कि सोम्‍कुवा ऩङा त़छिरुम्‌युङ्‌सुम। खानानिन दस्‌कालोक्‌दा अ़क लोक प़याङ्‌सा, मो अ़धिवा अ़तुक्‌वाचि ऩङा मान्‍छित्‍माङ मुमा म़दोराङाओ।

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन लाङ्‌चोक्‍खुङ खोन्‍कि फाङ्‌लान्‌ओ अ़दुङ्‌लिप्‍पा त़प़न्‍तुम, मेन आम्‍नुओ कोङ्‌हुत्‌या मो च़क्‍ख़य़ खोन्‍कि आप्‍पि खाङ्‌मान्‍चिन्‌आ भेप्‍तुयुङ्‌सु।

यरुसलेम, यरुसलेम, खाना निनाम्‍हाङ्‌य़ङ खाकालुचि त़सेरुचि खोन्‍कि खानाएदा छुत्‍तुङ्‌च़ङ्‌ओचि लुङ्‌ताक्‌आ त़कोउचि! देत्‍नि वामामाआ वाइछेत्‌चि अ़लाप्‌हुत्‌दा कोउचि, मोवात्‍निङा देम्‍कादु अ़ङ्‌का आम्‍छाचि कोप्‍माचिनि मिनाङ, मेन खाना त़छुन्‍ता।

मोवात्‍निङा खानानिन्‌छाङ बुङ्‌खादा म़नाचिओ अ़चुबुदा साम्‌योक्‍मिवात्‍नि खाङ्‌त़मुसिन्‍चिन, मेन आम्‍नुओ कोङ्‌या कोङ्‌क़त्‌वा खोन्‍कि अ़अ़त्‍पाचिआ भेप्‍तुयुङ्‌सु।