Amavesi eBhayibheli adumile avela kokuthi Efɛ 4

Dlulisela

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Ka goã din boɛɛn-kɔlen lɛa, ka foo n basiɛ̃nɛ, sii simaa wolen lɛa baraabaraa. Ka kɔn a sii si ka ganaa ka kɔn-narɛɛ nɛ.

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Bɛ̀ ka foo yoo, ka nyan sii baraa zɛnaa wa. Ka nyan toa ka foo goã yoo ne a wasa mɛ-n wa. Ka nyan toa *Sɛtaan wɔ ǹ bǎã yɛ ka ganaa wa.

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃. Yǎa ka min diin biɛ ka foo ne, ka ka yiri ni. Lawa foo sii dii mɛn zɛnaa a din a kɔnboe lɛa, ka kɔ bɛ lɛ. Ka á re min peperen biɛ, ka min sonboren baa ka sonbore barka nɛ.

Yiri Fu bɛ́ ka doɛ kɔn ka là nyantoro mɛn nɛ, á n ka biɛ goon, ka n doa ka bɛa goonbaa lɛ tamaa.

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ. A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ. Bɛa yɔrɔ kɛ lɛ la, wɔ tumaa á re goɛ̃ goon goleemali laanka Lawa a Nɛgiĩ doɛ̃ gɔ́ɔ̃ nɛ. Wɔ tumaa a min golebaa lɛ á re piɛ̃, wɔ n baa Krita din a kɔnboe taãnan lɛa.

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa. Sɛnɛ, bɛ̀ wɔ á sonbore kɛ nyɛɛ ka kɔn-narɛɛ nɛ, wɔ á re gole koe yɔrɔ tumaa la. Màn tá re miɛ wɔa tá kun ka Krita-n li, asɛ mɛn bɛ́ gɔ̀nɔn lɛ mìi lɛa.