Amavesi eBhayibheli adumile avela kokuthi Filipi 2

Dlulisela

Ousap föri föförün apangau are föri och ekiekin sikesik, nge oupwe tipetekisonfengen lefilemi, ousap ekieki pwe oua mürina seni ekewe ekoch. Ousap chök ekieki en me an feiöch, nge oupwe pwal ekieki feiöchün chienemi.

Oupwe eäni ewe chök ekiek Kraist Jesus a eäni

A lapalapeni lapalapen Kot, nge esap ekiekin amwöchünükü an wewe ngeni Kot usun ach amwöchünükü mettochüch. Nge seni lon letipan a fangala meinisin mine a eäni, pwe a lapalapeni lapalapen eman chon angang. A wiliti ususun aramas o pomweni pomwen aramas. A püsin atekisonatiu o eäni aleasochis tori mäla, tori an mäla won iräpenges.

pun Kot ewe a angang lomi, epwe afisätä ämi mochen me ämi tufichin apwönüetä letipan.

Iei mine Kot a atekiatai won eu leni mi fokun tekia, a pwal ngeni eu it mi iteföüla seni it meinisin. Iwe, chokewe meinisin mi nom won läng me fanüfan pwal failol repwe fotopwäsuk o asamolu ewe it iten Jesus, nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

Oupwe föri ämi angang meinisin, nge ousap lal are anini, pwe esap wor och mi mwäl lon manauemi, nge oupwe limöch usun nöün Kot kana mi unusöch ra nonom won ei fanüfan mi ur ren aramas mi kirikiringau me tipis. Oupwe fokun tittin lefiler usun ekewe fü ra tittin fän läng

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech