Amavesi eBhayibheli adumile avela kokuthi Lifitikos 26

Dlulisela

Üpwe nonom remi pwe üpwe ämi Kot, nge ämi oupwe nei aramas.

ngang üpwe ngenikemi üt lon fansoun öch, pwe irän ewe fanü repwe märitä o ua.

Iwe, are oupwe apwönüetä ai kewe pwüüng o aleasochisi ai kewe allük

Üpwe fang ngenikemi kinamwe lon ewe fanü, oupwe konola o annut, nge esap wor eman epwe eniwokusukemi. Üpwe atoaua seni ewe fanü manmwacho, esap pwal chüen fis maun lon fanüemi.

Üpwe ümöümöch ngenikemi, üpwe aupukemi o achomongakemi, üpwe pwal apwönüetä ai pwon ngenikemi.

Ngang ewe Samol mi Lapalap ämi we Kot, üa emwenikemiiwu seni ewe fanü Isip, pwe resap chüen nöünikemi amanau. Iwe, üa kupi ewe waas mi nom won afaremi, pwe oupwe wenetä le fetal.”

Iwe, üpwe imweimw lefilemi lon imwei mi pin, nge üsap oputakemi.

Iwe, ewe Samol mi Lapalap a apasa, “Ousap föri fän itemi uluulun anü, ousap aüetä uluulun anü ika ür, ousap pwal aüetä eföü fau mi auluul ngeni anü lon fanüemi pwe oupwe fel ngeni. Pun ngang ewe Samol mi Lapalap ämi we Kot.

Räsin fanüemi epwe fokun chomong, pwe oupwe chüen mongö mongön ewe ier a la tori oupwe aturala ewe mongö minen lom seni ämi lenien iseis, pwe epwe wor lenien ewe mongö mi fö.

Iwe, limman senikemi repwe akufu ipükü, nge ipükü repwe akufu engol ngeröü. Iei usun chon oputakemi repwe kuf remi lon maun.

Iwe, fansoun ämi wichi umwun wiich epwe soposopola tori fansoun ämi kini föün irän wain, nge fansoun ämi kini föün irän wain epwe soposopola tori fansoun ämi fofot. Iwe, epwe wor chomong enemi mongö, oupwe pwal nom lon fanüemi fän kinamwe.

Oupwe tapweri chon oputakemi ren ketilas, nge ir repwe kuf remi.

Oupwe apiniöchü ai kewe ränin sapat o meniniti imwei mi pin. Ngang ewe Samol mi Lapalap.