Amavesi eBhayibheli adumile avela kokuthi Johannes 19

Dlulisela

Lupwen Jesus a wes me ün ewe wain, a apasa, “A wesila!” Mürin a rotiu o mäla.

Mürin Jesus a silei, pwe iei an angang meinisin a wesöchüla. Iwe, fän iten an epwe pwönüetä mine a mak lon ekewe Toropwe mi Pin, Jesus a apasa, “Üa kaka.”

Lupwen Jesus a küna inan we me ewe chon kaiö i a echeni mi ütä ikenan, a üreni inan we, “Nengeni, ätenan noumw.” Mürin a üreni ewe chon kaiö, “Nengeni, iei i inom.” Iwe, seni lon ena otun ewe chon kaiö a angei Maria pwe epwe nom ren lon imwan.

Nge lupwen ar feiliti Jesus, ra küna pwe a fen mäla, iei mine resap chüen kupi pechen. Nge eman ekewe sounfiu a angei wokun siles o posu ngeni lepekin Jesus. Iwe, lon chök ewe otun cha me koluk ra puwu seni.

Ekei mettoch ra fis pwe epwe pwönüetä mine a mak lon ekewe Toropwe mi Pin: “Esap wor efoch chün epwe kup.” Mi pwal wor eu fos a mak lon ekewe Toropwe mi Pin, “Aramas repwe nenengeni ätewe ra posu.”

Iwe, Jesus a mwärei an iräpenges, a towu lükün ewe telinimw o feila lon ewe leni itan “Lenien Pösökün Mökür” lon kapasen Ipru “Kolkota”.

Iwe, ekewe sounfiu ra fittiifengeni palen iräfölüföl o isetä won möküran pwe mwärin, ra pwal aüfa ngeni echö üf mi parachol.