Amavesi eBhayibheli adumile avela kokuthi Johannes 16

Dlulisela

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Nge lupwen epwe war ewe Ngünmifel mi pwärätä mine a let usun Kot, i epwe emwenikemiilong lon ewe let mi unusöch. Esap kapas fän püsin itan, nge epwe kapas usun met a rongorong o ürenikemi usun ekewe mettoch repwe feito.

Tori iei ousap tüngor mwo och fän itei. Oupwe tütüngor, iwe, oupwe angei pwe ämi pwapwa epwe unusöch.

Nge üpwe ürenikemi mine a let: Oupwe feiöch ren ai üpwe feila. Pun are ngang üsap feila, ewe Soualilis esap feito remi. Nge are üpwe feila, üpwe tinato remi ewe Soualilis. Iwe, lupwen epwe war, epwe amefi ngeni chon fanüfan usun ar tipis, usun pwüng pwal usun än Kot apwüng.

Ina usun pwal ämi: Iei oua lolilen, nge üpwe pwal künasefälikemi, mürin lelukemi epwe ur ren pwapwa, nge ei pwapwa esap wor eman epwe tongeni angei senikemi. Lon ena rän ämi ousap chüen aisiniei och. Enlet, üpwe wesewesen ürenikemi: Semei epwe ngenikemi meinisin mine oua tüngor fän itei.

Enlet, üpwe wesewesen ürenikemi: Ämi oupwe kechü o ngüngüres, nge fanüfan epwe fokun pwapwa. Ämi oupwe lolilen, nge ämi lolilen epwe wiliti pwapwa.