Amavesi eBhayibheli adumile avela kokuthi Efisos 6

Dlulisela

Pun sisap maun ngeni fituk me cha, nge sia maun ngeni ekewe anün rochopwak mi nom fän läng, ngeni ekewe anüsamol, ngeni ekewe anüsor, pwal ngeni ekewe ngününgau mi nemeni aramas lon ei fanüfan mi rochopwak.

Oupwe föri ekei mettoch meinisin lon ämi iotek ngeni Kot pwe epwe alisikemi. Oupwe iotek won met oua föri usun Ngünmifel a emwenikemi. Iei popun ämi oupwe mamasa o tupwöl fansoun meinisin, oupwe iotek fän iten ekewe chon pin meinisin iteiten fansoun meinisin.

Oupwe pwilitalong womi ekewe pisekin maun Kot a ngenikemi, pwe oupwe tongeni üpöchökül ngeni än ewe Tefil angangen atuputup.

Iei mine oupwe pwilitalong womi än Kot kewe pisekin maun iei! Mürin, lupwen epwe war ewe rän mi ngau, oupwe tongeni pworacho ngeni än ewe chon oputemi maun ngenikemi. Iwe, mürin oupwe chök üpöchökül tori lesopolan ämi maun.

Iteiten fansoun meinisin oupwe lükü Kot pwe ina ämi epetin maun, pwe oupwe tongeni kunu ngeni ekewe föün esefich mi pulopulen ekkei seni ewe Eman mi Ngau. Oupwe angei ewe Manau pwe ina imwemi akau, pwal ewe kapasen Kot pwe ina nöümi ketilas ewe Ngünmifel a ngenikemi.

Iwe, oupwe amolakemi, oupwe peliti ngeni lukalapemi let, oupwe üföüf pwüng pwe iei ämi chechen leupw mi för seni mächä, nge oupwe ipweipw susun molotä ngeni ämi oupwe aronga ewe Pworausen Manau mi wor kinamwe lon.

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

“Kopwe asamolu semom me inom,” iei ewe aeuin allük a riri ngeni eu pwon, “pwe kopwe feiöch me manauatam won fanüfan.”

Ämi nau kana, oupwe aleasochisi sememi me inemi lon ach Samol, pun iei met mi pwüng pwe oupwe föri.