Amavesi eBhayibheli adumile avela kokuthi 1. Korint 15

Dlulisela

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

Nge kilisou ngeni Kot mi ngenikich ach win ren ach Samol Jesus Kraist!

Ousap püsin atupukemi: “Chiechi ngeni aramas mi ngau a angauala manauach.”

Nge ren än Kot ümöümöch üa wilila o wiliti eman soukünö. Iwe, an ümöümöch ngeniei esap lomotongau, pun mi enlet üa fokun achocho le angang lap seniir meinisin. Nge pwüngün pwe sap ngang üa föri ei angang pwe än Kot ümöümöch a nom rei.

“En mäla, ifa om win? En mäla, ifa om manamanen akafeiengau?” Mäla a angei an manamanen akafeiengau seni tipis, nge tipis a angei an manaman seni ekewe Allük.

Oupwe rongorong, üpwe ürenikemi eu kapas monomon: Sap kich meinisin sipwe mäla, nge lupwen ewe amüchülan rappwa epwe tik, kich meinisin sipwe müttir wilila lon eu chök morupun mas. Pun lupwen ewe rappwa epwe tik, ekewe mi mäla repwe manausefäl, nge resap chüen mälasefäl, nge kich meinisin sipwe wilila.

Pun usun chök mäla a pop seni eman aramas, pwal ina chök usun ewe manausefäl seni mäla a pop seni eman aramas. Pun usun aramas meinisin ra mäla lon Atam, iei usun aramas meinisin repwe manausefäl lon Kraist.

Pun met mi morola epwe siwil ngeni met esap tongeni morola, nge met mi mämmä epwe siwil ngeni met esap tongeni mämmä.

Pun Kraist epwe fokun nemenem tori Kot epwe akufu chon oputan meinisin o anomuur fän pechen. Iwe, ewe amüchülan chon oputan epwe mola, iei mäla.