Amavesi eBhayibheli adumile avela kokuthi AROMA 6

Dlulisela

Thangwi kudawa kumbapagali imfa, mbwenye mtukwa wa Mulungu ndi moyo okhonda mala mukuphatanizana na Yesu Khristu Mbuyathu.

Kudawa kuleke khala na utongi pana imwe, thangwi imwe nee muli pansi pa utongi wa mwambo tayu, mbwenye pansi pa utongi wa kukoma mtima kwa Mulungu.

Tenepo na ubatizo wathuwo, tidafa mbatiikhwa naye pabodzi m'masiye, towera ifembo tikhale na moyo wachinchino, sasawambo ninga mudalamusirwa Khristu kuimfa na demelero ya mphamvu za Baba.

Lekani pereka phindi na ibodzi ene ya manungo anu kuna pyakudawa, kukhala ninga chinthu chakuchitira pyakudawa. Mbwenye piperekeni kuna Mulungu, ninga anthu akulamuswa kuimfa kukhala amoyo ale, pontho perekani manungo anu kuna Mulungu kukhala ninga chinthu chakuchitira mabasa akulungama.

Tenepo timbapidziwa kuti makhaliro athu akale akhomerwa pabodzi na Khristu pamtanda, kuti makhaliro athu akudawika avungike, towera ife tileke khalave mabitchu a pyakudawa.

Ntchibodzi-bodzi imwe mwathema kupiyesa mwekha ene anthu akufa, kulonga pya utongi wa pyakudawa pana imwe, mbwenye kukhala amoyo kuna Mulungu pakuphatanizana na Yesu Khristu.

Apo tinalonga tani? Ayi tithimize pyathu kudawa kuti kukoma mtima kwa Mulungu kuinjipe? Nkhabe tayu! Kulonga pya utongi wa pyakudawa pana ife, ife takhala ninga anthu akufa, apo pinakwanisika tani kuti tithimize kuchita pyakudawika?

Ndimomwene imwe mukupidziwa kuti mungapipereka mwekha ene kuti muvere munthu unango ninga mabitchu, penepo ndimwe mabitchu a mbuyanu anavera imweyo; penu mbuyanu nkhudawa, kule kumbadzesa imfa, penu mbuyanu nkhuvera, kule kumbalungamisa munthu pamaso pa Mulungu.

Tipereke takhuta kuna Mulungu! Podi kwene kuti kale mukhali mabitchu a pyakudawa, mwavera na mtimanu onsene pyakuonadi pidagumana imwe m'chifunziso chidatambira imwe chile, pontho mwasudzulwa pa utongi wa pyakudawa mbamukhala mabitchu a pyakulungama.