Amavesi eBhayibheli adumile avela kokuthi AROMA 4

Dlulisela

Iye hadataye chikhulupiro chache tayu, pontho hadapenuke na pidadumbira Mulungu pile tayu, chikhulupiro chache chidampasa mphamvu mbakuza Mulungu. Iye adakhulupiradi kuti Mulungu anakwanisa kuchita pidadumbira iye pile.

ninga munalongera Malemba kuti, “Ine ndakuikha kukhala kholo wa madzinza azinji.” Abrahamu akhali na chikhulupiro pamaso pa Mulungu, Mulungu ambalamusa anthu kuimfa ule, pontho matongero ache ambachitisa pinthu kukhalapo, pinthu pile na kale ene pakhali nkhabe.

Iye adaperekwa kuti aphiwe thangwi ya pyakudawa pyathu mbalamuswa kuimfa towera atichitise kukhala anthu akulungama pamaso pa Mulungu.

Abrahamu adakhulupira mbadikhira, podi kwene kuti pakhali nkhabe thangwi ya kudikhira tayu, tenepo iye adasandukadi kholo wa madzinza azinji. Ninga munalongera Malemba kuti, “Pidzukulu pyako pinainjipa.”

Tenepo pidadumbira Mulungu pidagona pa chikhulupiro chene basi, towera pidadumbira Mulungu pichitwe ninga mtukwa wa Mulungu, pontho kuti pikhale pyakukhazikika kuna pidzukulu pyonsene pya Abrahamu, nee kuna ale okha ambavera mwambo wa Mose tayu, mbwenye na kuna ale ene ambakhulupirambo ninga mudachitira Abrahamu. Thangwi Abrahamu ndi kholo wa tonsenefe

“Ngakutsanzaya anthu ale umambalawo walekererwa, ale pyakudawa pyawo pyafudziwa. Ngwakutsanzaya munthu ule pyakudawa pyache Mbuya nkhabe dzapiikha konta tayu!”

Malemba akulonga kuti, “Abrahamu adakhulupira Mulungu, tenepo na thangwi ya kukhulupira kwache, Mulungu adamuyesa wakulungama.”