Amavesi eBhayibheli adumile avela kokuthi Va le Roma 3

Dlulisela

Vanhu hinkwavu vajohile, hi kolaho kukwetsima loku avanyikiwile hi Xikwembu, vakupfumala. Kambe vahlayiwa lavalulameke hi timpsalu ta Xikwembu, hi kunyikiwa, ha Yesu Kriste lweyi avaponiseke.

Hi lesvaku Xikwembu xiyendla vanhu vava lavolulama hi kupfumela ka vona ka Yesu Kriste; xiyendla lesvi ka hinkwavu lavapfumelaka, hikuva aku na kuhambana

Xikwembu ximuvekile lesvaku hi kufa ka yena, vanhu va rivaleliwa svijoho, loko vapfumela ka yena; xiyendlele kukomba hilaha xiyendlaka vanhu vava lavalulameke hakona, hikuva axirivalele vanhu kujoha ka vona ka khale, minkameni ya kutsetselela ka xona; asvili lesvaku xikomba kululama ka xona minkameni ya svosvi, xiva Xikwembu lexilulameke, xikan'we ni kuva Xikwembu lexiyendlaka munhu kuva lweyi alulameke loko apfumela ka Yesu.

Hikuva aku na munhu ni mun'we lweyi angatahlayiwa lweyi alulameke mahlweni ka xona hi mhaka ya lesvi angayendla hi kulerisa ka Nawu; ntiyiso wakona hi lesvaku Nawu wukomba laha kujoha kunga kona.

Matsalwa matiyisa svosvo, maku: “Aku na munhu ni mun'we lweyi alulameke, aku na lweyi atwisisaka, aku na lweyi alavaka Xikwembu. Hinkwavu vatshikile ndlela, vahundzukile lavangapfuniki nchumu, hinkwavu vafana; aku na lweyi ayendlaka lesvinene, ni mun'we anga kona.

Hikuva hivonile lesvaku munhu ahlayiwa lweyi alulameke hi kupfumela, kungali hi kuyendla lesvitsemiweke hi Nawu.

Nikutsongo! Xikwembu xifanele kutiviwa xili xa ntiyiso, ni loko munhu mun'wana ni mun'wana ali muhembi. Hi svona lesvingatsaliwa, loko vaku: “Hilaha ungatava lweyi alulameke, loko uvulavula, ni kukumiwa na ungali na nandzu, loko uthethisiwa.”