Amavesi eBhayibheli adumile avela kokuthi Va le Roma 12

Dlulisela

Mingalandzeni hanyela ra nguva leyi, kambe mipfumela kuhundzuka miva vampsha kupimiseni ka n'wina, mitakota kutwisisa lesvi kurhandza lokunene ka Xikwembu, lokukhensekaka ni kuhetiseka, kunga svona.

Loko svilitano vamakwerhu, na mikhongotela hikolaho ka timpsalu ta Xikwembu, lesvaku minyiketa miri wa n'wina hinkwawu, wuva mhamba leyihanyaka, leyihlawulekeke, leyitsakisaka Xikwembu; hi wona magandzelela ya n'wina ya ntiyiso.

Tsakani kulanguteleni, tiyiselani maxangwini, hitekani kukhongeleni.

Ungatshuki uhluliwa hi lesvobiha, kambe hlula lesvobiha hi lesvinene.

Tolovelanani, mirhandzana tani hi vamakwavu, mitlula van'wana hi kuxiximana.

Rirhandzu ringatshuki riva ni kukanganyisa. Vengani lesvi sva kubiha, minamarhela lesvinene.

Yendlani hinkwasvu lesvi misvikotaka, hi tlhelo ra n'wina, kuhanyisana ni vanhu hinkwavu hi kurhula.

Varhandziwa, mingatshukeni mitirihisela mili n'wina; kambe tshikelani vukarhi bza Xikwembu, hikuva kutsaliwile vaku: “Kurihisa i ka mina; hi mina lweyi ningatarihisela, kuvula Hosi.”

Mingaloloheni akutikarhateni ka n'wina, mingatsaneni kuhlayisaneni, hisekani moyeni, mitirhela Hosi.

Hikuva, hikolaho ka timpsalu leti ninganyikiwa tona, nibzela mani na mani wa n'wina, niku: Mingatshukeni mitikulisa hi vutlhari bza n'wina; kambe mifanele kutitsongahata, miya hi mpimo wa kupfumela loku Xikwembu xiyaveleke mun'wana ni mun'wana wa n'wina.

Mingarihiseleni svobiha hi lesvobiha. Ringetani kuyendla lesvinene ka vanhu hinkwavu.

Hanyisanani hi moya wun'we; mingatshukeni minavela lesvitlakukeke, kambe mitolovelana ni lavatitsongahataka; mingativoneni na mili lava vatlhariheke.

Hikolaho: “Loko nala wa wena ali ni ndlala, muphamele; loko ali ni torha, musiyele anwa; hikuva loko uyendlisa svosvo, utamuhlengeletela mpfundze nhlokweni ya yena.”

Katekisani lava vamixanisaka; katekisani, mingarhuketeleni. Tsakani ni lavatsakaka, mirila ni lavarilaka.

Pambulelani vahlawuliwa va Xikwembu loko vapfumala, migingiriteka kuyamukeleni ka vayendzi.

Hikuva kukota lesvi hinga ni svirho lesvinyingi mirini wuli wun'we, nasvona svingaliki na ntirho wun'we, hi ndlela yoleyo, na hina, hambi hili vanyingi, hi miri wun'we ka Kriste, kutani mani na mani wa hina i xirho ka mun'wana.