Amavesi eBhayibheli adumile avela kokuthi Éxodo 16

Dlulisela

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa. Ucat Tatitojj Moisesarojj sänwa: —Nayasti alajjpachatjja t'ant'a jalluyanëjja. Ucampis jakenacajj sapüruw apthapisipjjani kawkhatejj uca uru mank'añatac munasqui uqhamarjama. Uqhamatwa nayajj yant'äjja qhititejj camachi arunacajjar iyawscani, uqhamarac qhititejj jan iyawscani ucjja.

Ucampis uca wasaranjja takpach israelitanacaw jan walinac Moisés toke, uqhamarac Aarón tokjja parlapjjäna.

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

—Nayajj ist'twa israelitanacan jan wali parlapjjatanacapjja. Ucampis jumajj parlam aqham sasa: ‘Acat jayp'urusti jumanacajj aychwa mank'apjjäta, uqhamarac arumanthi alwatasti t'ant'araqui mank'apjjaraquïta sist'asiñcama. Uqhamatwa jumanacajj yatipjjäta nayajj jumanacan Tatitu Diosamätajj-jja.’