Amavesi eBhayibheli adumile avela kokuthi Éxodo 11

Dlulisela

Tatitusti Moisesarojj sänwa: —Nayasti mä mutuyäwimpwa churascäjja faraonaru, uqhamarac egipcionacarusa. Ucatsti faraonajj janiw jumanacaru sarjjericti antutapcätamjja, jan ucasti jupa pachpaw marcapat alisnucupjjätamjja.

Ucatsti egipcionacan jilïr tayna wawanacapa jiwarayäjja, uqhamaraqui tronona kont'atäqui uca faraonan jilïr wawapa, molinona irnakqui uca sirvir warmin jilïr wawapa, uqhamarac take uywanacan jilïri kallunacapaw jiwarapjjani. Ucatsti take Egipto marcpachanwa wali jachañanacampi warariñanacampejj utjani, ucanacasti janiw cunapachas utjiricänti, ni acat kheparus mayampi utjcaniti.’

Ucatsti Tatitojj Moisesarojj sascaquïnwa: —Faraonasti janiw jumanacarojj ist'apcätamti, uqhamata nayan jach'a muspharcañ luräwinacajjajj Egipto marcan uñacht'ayatäñapataqui —sasa.