Amavesi eBhayibheli adumile avela kokuthi Genesisi 26

Dlulisela

Tshama tikweni legi, nzi tava na wena, nzi ku katekisa; hakuva wontihe laya matiko nzi ta ma nyika ka wena ni ka pswalo wa wena, nzi ta tiyisa xifungo lexi nzi nga hlambanya ka Abrahama a raru wa wena.

Nzi ta anzisa a pswalo wa wena, va ku khwatsi hi tinyeleti ta tilo, nzi ta nyika ka pswalo wa wena wontihe laya matiko; hi ka pswalo wa wena wontihe matiko ya misava ma ta katekiswa; hakuva Abrahama i lozwa a gezu ga mina, a ingisa kuwula ka mina ni ziyimiso za mina ni zileletelo za mina, ni milayo ya mina.

Yena i lo suka leyo, i lo engeta a kela yinwani hlowo; leyoke a va kanetisanangi ha yona. I lo chula vito ga yona ku Rehoboti; na aku ngalo: Hakuva Jehova i hi nyikile wutshamu, hi ta pswalelana lomu tikweni.

Jehova i lo woneka ka yena, aku ngalo: U nga releli uya Gipite;: aka lomu tikweni legi nzi ta nga ku byela gona.

Yena i lo aka laho a alati, a khozela vitweni ga Jehova, i lo yimisa a tenda gakwe laho; kwalaho a malanza ya Isaka ma lo kela a hlowo.