Amavesi eBhayibheli adumile avela kokuthi Genesisi 13

Dlulisela

hakuva a tiko gontlhe legi u gi wonako, nzi ta gi nyika ka wena ni pswalo wa wena kala kupinzuka.

Na Jehova aku ngalo ka Abrama, anzhako ka kuva Loti a hambene naye: Hi nga tlakusa a mahlo ya wena u yima hikwalaho u nga kona, u cuwuka Nwalungu ni Dzongeni, ni le Mutsuwuka-gambo ni Muhlwa-gambo

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Abrama aku ngalo ka Loti: Ngha ku nga hi kona maguwa xikari ka mina na wena, ni xikari ka varisi va mina ni varisi va wena, hakuva hi vamakabye.

Na Abrama i lo suka, i lota aka mikuhlwini ya le Mamre le Hebroni; laho i lo aka a alati ga Jehova.

Loti i lo tlakusa a mahlo yakwe, i lo wona a mikova yontlhe ya Jordani, hakuva yi wa hi ni mati yontlhe (Jehova i wa nga se lovisa Sodoma ni Gomora), na yona yi wa ku khwatsi i simu ga Jehova kotisa a tiko ga le Gipite, kala ku chikela Zoare.