Amavesi eBhayibheli adumile avela kokuthi Eksodusi 15

Dlulisela

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Va loya chikela Mara, kanilezi va lo tsanzeka kunwa mati ya le Mara, hakuva ma wa bava; hikwalaho a wutshamu lego gi lo chuliwa vito ga Mara. A vanhu va lo zangarela Mosi, vaku; Hi tanwa yini? Mosi i lo kombela ka Jehova, zonake Jehova i lo mu kombisa a sinya kasi a fela ku yi hoxa lomu matini, a mati ma lo nanziha. Anzhako ka lezo i lo va yimisela milayo ni ziyimiso; laho i lo va ringa, aku