Amavesi eBhayibheli adumile avela kokuthi Eksodusi 10

Dlulisela

Jehova aku ka Mosi: Famba ka Faro hakuva nzi yi nonohisile a mbilu yakwe ni timbilu ta malanza yakwe, kasi nza fela ku maha ziwoniso lezi za mina xikari kabye. Kasi wenawu wa fela ku ta hlawutela ka nʼwana wa wena, ni ka zukulu wa wena, a zilo lezi nzi zi mahileko ka vaGipite, ni zihlamaliso lezi nzi zi mahileko xikari kabye, nwinawu mu fela ku nzi tiva ha zona, lezaku hi mina Jehova.

Jehova Uku ka Mosi: Tlakusa a canja ga wena le hehla kasi ku fela kuva kona munyama lomu tikweni gontlhe ga Gipite; a munyama lowu wu ta nga zwakala ka vanhu. Mosi i lo tlakusa a canja gakwe le hehla, zonake wu lova kona a munyama wa ntima wo phu lomu tikweni gontlhe ga Gipite wu hetile masiku manharu. A vanhu va tsanzeka ku wonana, ku nga hi kona munhu a nga wa zi kota ku suka wutshanwini gakwe lomu ka masiku manharu. Kanilezi ka vanana va ka Israeli ku wa hi kona kuwonekela lomu mitini yabye.

Mosi i lo tlakusa a nhonga yakwe hehla ka tiko ga Gipite, zonake Jehova i lo pupuxa a mheho ya Mutsuwuka-gambo lomu tikweni, yi pupuxa a siku gontlhe. Laha na gi cile, a mheho ya Mutsuwuka-gambo yi lo neha humbi. A humbi yi lo ta chikela yi tata tiko gontlhe ga Gipite, yi fenengeta misava yontlhe ya Gipite hi kutala ka yona. Cima ku wa nga seva kona a humbi yo kota leyo kale ka matiko, ni lezaku yi nga tava kona kambe a humbi yo kota leyo.