Amavesi eBhayibheli adumile avela kokuthi MATIUS 21

Dlulisela

Nuapa-nuapa raperapi komi riara mposambayamu, natantumo kana ratarima komi ane komi momparasaya.”

Nesonomo Yesus, “Aku mpu'u-mpu'u notesa ka komi, ane komi momparasaya pade da'a molenga-lenga rara komi wo'u mamala mowia ewa to nipowiaku ka kayu etu. Pade da'a aga iwetu, komi kana mamala manguli ka bulu e'i, ‘Polinjamo, potingganawu riara ntasi,’ pade natantumo etu kana majadi.

Pade nongare-ngaremo todea to nokolu ka Yesus nosanggani ante ira to nantuki ri purina, “Ratoiyata Muli i Daud! Perapi Pue mombagane Magau to narata niposumba Alatala! Ratoiyata Alatala ri suruga!”

Niulina ka ira, “Riara Buku Nagasa naria nitulisi iwe'i: ‘Sapoku kana rauli sapo mposambaya.’ Tapi komi ri se'i nompajadi Sapo Mpepue e'i peto'o parampo!”

“Ulimo ka pue ngata Sion, kitamo, ri setumo Magau komi marata! I'a naede mpu'u rarana, I'a nesawi keledai, etumo saongu keledai to namudana.”

Pade nangulimo Yesus ka ira, “Natantumo nibasa komi tesa riara Buku Nagasa to nanguli iwe'i: ‘Watu to nitajiaka ntopowia sapo, watu etumo to najadi palo mpondasi to neliu nggaroso. Etu nipowia i Pue, sangele powia to nipogumaa matata.’ ”

Nanguli wo'umo Yesus ka ira, “Jadi kuuli ka komi, bagia komi riara Poparenta nu Alatala kana raala nggari ja'i komi pade rawai ka tau-tau ntanina to nompowia pokainggu to masipato ka todea nu Alatala.