Amavesi eBhayibheli adumile avela kokuthi Eksodha 10

Dlulisela

Msana keto, MKOMA a to khene ka Mosi: “Tsula ka Faro, nguko ni bangisile kambe mbilu yakwe, ni timbilu ta mahalamu akwe, kasi kumaha sikombiso sangu hagari kwawe. Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani MKOMA Txizimu.”

Sekoko MKOMA a to khene ka Mosi: “Guleta dianza dako u txi di komba nzumani, kasi ku ku txi maneka txidema txa hombe, txo hambi vathu va nga txi gwesa.” Se Mosi a to guleta dianza dakwe a txi di komba nzumani, aha ku nga maneka txidema ka dotshe ditiko da Egipta, mndani ka masiku mararu. Mmwani ni mmwani a ti sikoti kuwona mmwani, ni wammweyo kha sikota kukhukha ka wukhalo wule a nga ti ka wona, mndani ka masiku mararu; ditikoni kotshe ka Egipta ni ka makhalo otshe. A mu ku nga txi maneka vanana va ka Israyeli ku ti ti ho kuwonekela.

Sekoko Mosi a to guleta ndonga yakwe txitimwi ka ditiko da Egipta. MKOMA a to wuyisa mu ditikoni ka Egipta diphuho da wutxani ka dotshe ditshiku dile ni ka wotshe wusiku wule. Mbimo yi di nga txa, diphuho da wutxani di manekile di txi wuyisa humbi. Se humbi yi to fenengeta ditiko dotshe da Egipta, yi to khandamela txitimwi ka dotshe ditiko, kambe i ti yayingi ngutu; ayi yi si ziviko kumaneka ka mbimo ya kale, kambe kha yi na mbiswa yi txi maneka yo talisa toneto.